നിലവില്‍ മല്‍സരരംഗത്തുള്ള ഇന്ത്യയുടെ മൂന്നു ബാറ്റര്‍മാരില്‍ എല്ലാ ഫോര്‍മാറ്റിലും കളിക്കാന്‍ ശേഷിയുള്ള മൂന്നു പേരെ തിരഞ്ഞെടുത്ത് ഇന്ത്യന്‍ മുന്‍ പേസറും മലയാളിയുമായ എസ് ശ്രീശാന്ത്. കെഎല്‍ രാഹുല്‍, റിഷഭ് പന്ത്, സഞ്ജു സാംസണ്‍ എന്നിവരെണ് മൂന്നു ഫോര്‍മാറ്റിലും ഒരുപോലെ തിളങ്ങാന്‍ ശേഷിയുള്ള മൂന്നു താരങ്ങളായി ശ്രീശാന്ത് തിരഞ്ഞെടുത്ത്.
സഞ്ജു ഏറെ പക്വത നേടിക്കഴിഞ്ഞു. ഉത്തരവാദിത്വമേറ്റെുത്ത് കളിക്കാനും കഴിയും. റെഡ് ബോള്‍ ക്രിക്കറ്റില്‍ കൂടുതല്‍ അവസരങ്ങള്‍ ലഭിച്ചാല്‍ അദ്ദേഹത്തിനു ഇനിയും നന്നായി പെര്‍ഫോം ചെയ്യാന്‍ സാധിക്കും. രാജസ്ഥാന്‍ റോയല്‍സിന്റെയും കേരളത്തിന്റെയും ക്യാപ്റ്റന്‍ കൂടിയാണ് അദ്ദേഹം.
ഋഷഭ് പന്തിനു ഇന്ത്യക്കായി ടെസ്റ്റ് ക്രിക്കറ്റില്‍ കളിക്കാന്‍ സാധിക്കുമെങ്കില്‍ എന്തുകൊണ്ട് സഞ്ജുവിനു സാധിക്കില്ല? ഇഷാന്‍ കിഷന് കളിക്കാന്‍ കഴിയുമെങ്കില്‍ സഞ്ജുവിനും ഉറപ്പായും കഴിയും.ഇപ്പോള്‍ ടെസ്റ്റ് മല്‍സരങ്ങള്‍ നടക്കാറുള്ള വിക്കറ്റുകള്‍ നോക്കിയാല്‍ ടെസ്റ്റില്‍ അവസര നല്‍കിയാല്‍ സഞ്ജുവിനു തീര്‍ച്ചയായും മികച്ച ബാറ്റിംഗ് കാഴ്ചവയ്ക്കാന്‍ കഴിയും.
സ്പിന്നര്‍മാര്‍ക്കെതിരേ വളരെ നന്നായി കളിക്കുന്നയാളാണ് അദ്ദേഹം. ടീമിന്റെ ആറ്, ഏഴ് വിക്കറ്റുകള്‍ വീണ ശേഷവും സ്പിന്നര്‍മാര്‍ക്കെതിരേ ഒരു വിക്കറ്റ് കീപ്പര്‍ ബാറ്റര്‍ക്കു മികച്ച പ്രകടനം നടത്താന്‍ സാധിക്കുന്നുണ്ടെങ്കില്‍ അയാള്‍ മിടുക്ക് തന്നെയാണ് അടിവരയിടുന്നത്. അതുകൊണ്ടു തന്നെ ഇന്ത്യക്കായി ഈ ഫോര്‍മാറ്റില്‍ അവസരം ലഭിച്ചാല്‍ അദ്ദേഹം കസറുമെന്നു ഉറപ്പുണ്ട്- ശ്രീശാന്ത് കൂട്ടിച്ചേര്‍ത്തു.