ഐ.പി.എല്‍ രണ്ടാം പാദത്തിന് മുന്നോടിയായി ന്യൂസിലന്‍ഡ് സൂപ്പര്‍ പേസര്‍ ടിം സൗത്തിയെ ടീമിലെത്തിച്ച് കൊല്‍ക്കത്ത നൈറ്റ് റൈഡേഴ്‌സ്. പാറ്റ് കമ്മിന്‍സിന് പകരക്കാരനായിട്ടാണ് സൗത്തിയെ കൊല്‍ക്കത്ത ടീമിലെത്തിച്ചത്. കുടുംബത്തോടൊപ്പം സമയം ചെലവഴിക്കാനായാണ് കമ്മിന്‍സ് ടൂര്‍ണമെന്റിലെ അവശേഷിക്കുന്ന മത്സരത്തില്‍ നിന്ന് പിന്മാറിയത്.
33 കാരനായ സൗത്തി മുമ്പ് റോയല്‍ ചലഞ്ചേഴ്‌സ് ബാംഗ്ലൂര്‍, മുംബൈ ഇന്ത്യന്‍സ്, ചെന്നൈ സൂപ്പര്‍ കിംഗ്‌സ്, രാജസ്ഥാന്‍ റോയല്‍സ് എന്നീ ടീമുകള്‍ക്കായി ഐ.പി.എല്ലില്‍ കളിച്ചിട്ടുണ്ട്. ഐ.പി.എല്ലില്‍ 40 മത്സരങ്ങളില്‍ നിന്ന് താരം 28 വിക്കറ്റ് നേടിയിട്ടുണ്ട്.
ഐ.പി.എല്‍ 14ാം സീസണിന്റെ രണ്ടാം പാദ മത്സരങ്ങള്‍ സെപ്റ്റംബര്‍ 19ന് ആരംഭിക്കും. ഒക്ടോബര്‍ 15നാണ് ഫൈനല്‍. ടി20 ലോക കപ്പ് ഒക്ടോബറിലും നവംബറിലുമായി നടക്കാനിരിക്കെ അതിന് മുമ്പ് തന്നെ ഐ.പി.എല്ലിന്റെ 14ാം സീസണ്‍ പൂര്‍ത്തിയാക്കാനാണ് ബി.സി.സി.ഐ നീക്കം.