രവീന്ദ്ര ജഡേജയെ ചെന്നൈ സൂപ്പര്‍ കിംഗ്സിന്റെ നായകനാക്കിയതിനെ ചോദ്യം ചെയ്ത് വിരാട് കോഹ്‌ലിയുടെ ബാല്യകാല പരിശീലകന്‍ രാജ്കുമാര്‍ ശര്‍മ. മികച്ച താരം നല്ല ക്യാപ്റ്റനാവണമെന്നില്ലെന്ന് രാജ്കുമാര്‍ ശര്‍മ തുറന്നടിച്ചു.
‘ലോകത്തിലെ മുന്‍നിര ഓള്‍റൗണ്ടറാണ് രവീന്ദ്ര ജഡേജയെന്നതില്‍ സംശയമില്ല. പക്ഷെ അദ്ദേഹം ക്യാപ്റ്റനായി ടീമിനെ നയിച്ചിട്ടില്ല. നായകനായുള്ള അനുഭവസമ്പത്തുമില്ല. അതുകൊണ്ടു തന്നെ ഇതു ശ്രദ്ധിക്കേണ്ട കാര്യം തന്നെയാണ്. ചിലപ്പോള്‍ ഒരു മികച്ച ക്രിക്കറ്റര്‍ നല്ലൊരു ക്യാപ്റ്റനാവണമെന്നില്ല. മാത്രമല്ല നല്ലൊരു ക്യാപ്റ്റന്‍ മികച്ച താരമാവണമെന്നുമില്ല’ രാജ്കുമാര്‍ ശര്‍മ പറഞ്ഞു.
Read more
വ്യാഴാഴ്ചയായിരുന്നു എല്ലാവരെയും ഞെട്ടിച്ചുകൊണ്ട് സിഎസ്‌കെയുടെ നായകസ്ഥാമൊഴിയുന്നതായും പകരം ഈ ചുതല ജഡേജയ്ക്കു നല്‍കിയതായും ധോണി അറിയിച്ചത്. 12 സീസണുകളില്‍ ടീമിനെ നയിച്ചയാള്‍ കൂടിയാണ് അദ്ദേഹം. 2020ലൊഴികെ ബാക്കിയുള്ള മുഴുവന്‍ സീസണുകളിലും ടീം പ്ലേഓഫില്‍ കടക്കുകയും ചെയ്തിരുന്നു.
