ദക്ഷിണാഫ്രിക്കന്‍ കളിക്കാര്‍ ഐപിഎല്‍ 2023-ന്റെ ഓപ്പണിംഗ് റൗണ്ട് നഷ്ടപ്പെടുത്താന്‍ ഒരുങ്ങുകയാണ്. നെതര്‍ലാന്‍ഡിനെ ഏകദിന പരമ്പരയില്‍ കളിക്കേണ്ടതിനാലാണ് ചില ദക്ഷിണാഫ്രിക്കന്‍ താരങ്ങള്‍ക്ക് ആദ്യ മത്സരങ്ങള്‍ നഷ്ടമാകുന്നത്. ദക്ഷിണാഫ്രിക്കന്‍ താരങ്ങള്‍ക്ക് ഓപ്പണിംഗ് മത്സരങ്ങള്‍ നഷ്ടമാകുമെന്ന് ഡേവിഡ് മില്ലര്‍ സ്ഥിരീകരിച്ചത് ഐപിഎല്‍ ടീമുകളെ ചൊടിപ്പിച്ചിട്ടുണ്ട്. ഇക്കാരണത്താല്‍ ഗുജറാത്ത് ടൈറ്റന്‍സ് വളരെ അസ്വസ്ഥരാണെന്ന് മില്ലര്‍ വെളിപ്പെടുത്തി.
അവര്‍ ശരിക്കും അസ്വസ്ഥരാണ്. അഹമ്മദാബാദില്‍ കളിക്കുന്നത് എപ്പോഴും വലിയ കാര്യമാണ്. പ്രത്യേകിച്ച് ചെന്നൈയ്ക്കെതിരായ ഓപ്പണിംഗ് മത്സരത്തില്‍. അത് നഷ്ടമായതില്‍ എനിക്ക് അല്‍പ്പം നിരാശയുണ്ട്. പക്ഷേ പച്ചയും സ്വര്‍ണ്ണവും ധരിക്കുന്നത് എല്ലായ്‌പ്പോഴും ഒരു വലിയ പദവിയും ബഹുമതിയുമാണ്.
നെതര്‍ലാന്‍ഡ്സിനെതിരായ മത്സരങ്ങളില്‍ ഞങ്ങള്‍ക്ക് ശക്തമായ ചിസ ജോലികള്‍ ചെയ്യാനുണ്ട്. അതിനാല്‍ ശക്തമായ ഒരു ടീമിനെ, ഞങ്ങള്‍ക്ക് തിരഞ്ഞെടുക്കാന്‍ കഴിയുന്ന മികച്ച സ്‌ക്വാഡിനെ, തീര്‍ച്ചയായും അവര്‍ക്കെതിരെ ഇറങ്ങണമെന്ന് കരുതുന്നു- മില്ലര്‍ പോച്ചെഫ്സ്ട്രോമില്‍ ഒരു പത്രസമ്മേളനത്തില്‍ പറഞ്ഞു.
ദുര്‍ബലരായ നെതര്‍ലന്‍ഡ്സിനെതിരെ കളിക്കാന്‍ ദക്ഷിണാഫ്രിക്കയുടെ മുന്‍നിര താരങ്ങള്‍ എന്തിനാണ് ഇത്ര താല്‍പ്പര്യപ്പെടുന്നത് എന്ന ചോദ്യം ഇപ്പോള്‍ ഉയരുന്നുണ്ട്. ഇന്ത്യയില്‍ നടക്കാനിരിക്കുന്ന ഐസിസി ലോകകപ്പ് മുന്നില്‍ കണ്ടുള്ള ഒരുക്കത്തിന്റെ ഭാഗമായിട്ടാണിതെന്നാണ് വിസയിരുത്തല്‍.
2022-ല്‍ ഡേവിഡ് മില്ലറിനെ 3 കോടി രൂപയ്ക്കാണ് ഗുജറാത്ത് ടൈറ്റന്‍സ് ടീമിലെത്തിച്ചത്. അതിനാല്‍ തന്നെ ഓപ്പണിംഗ് ഗെയിമുകള്‍ക്ക് അവരുടെ താരം ഇല്ല എന്നത് ഗുജറാത്തിന്‍റെ പദ്ധതികളെ ബാധിച്ചിട്ടുണ്ട്.