കൊല്‍ക്കത്ത നൈറ്റ്റൈഡേഴ്സുമായുള്ള ഐപിഎല്‍ മാച്ചിലെ സഞ്ജു സാംസണിന്റെ ക്യാപ്റ്റന്‍സിയെ പ്രശംസിച്ച് ഇന്ത്യന്‍ മുന്‍ താരം മനോജ് തിവാരി. അര്‍ദ്ധ സെഞ്ച്വറിക്ക് തൊട്ടരികിലായിരുന്നിട്ടും സഞ്ജു അതിനു ശ്രമിക്കാതെ ബാറ്റിംഗ് പങ്കാളിയായ യശസ്വി ജയ്സ്വാളിനു സെഞ്ച്വറി നേടാന്‍ അവസരമൊരുക്കി കൊടുത്ത മനസിനെ തിവാരി അനുമോദിച്ചു.
ഇത്തരം പ്രവര്‍ത്തികള്‍ എല്ലാവരില്‍ നിന്നും നമുക്കു കാണാന്‍ സാധിക്കുന്നതല്ല. നിങ്ങള്‍ ശരിക്കും മറ്റൊരാളുടെ നല്ലതിനു വേണ്ടി ചിന്തിക്കുമ്പോള്‍ മാത്രമേ ഇത്തരം കാര്യങ്ങള്‍ സഭവിക്കുകയുള്ളൂ. രാജസ്ഥാന്‍ റോയല്‍സ് ടീമിന്റെ പ്രത്യേകതയും ഇതു തന്നെയാണ്.
സഞ്ജു സാംസണ്‍ വളരെ നിസ്വാര്‍ഥനായ ക്യാപ്റ്റനാണ്. അദ്ദഹം എല്ലായ്പ്പോഴും ടീമിനെക്കുറിച്ച് മാത്രമാണ് ചിന്തിക്കുന്നത്. കൂടാതെ ബാറ്റ് ചെയ്യുമ്പോള്‍ തനിക്കു മുന്നിലുള്ള, ഒപ്പമുള്ളയാളെക്കുറിച്ചാണ് ആലോചിക്കുന്നത്. യശസ്വി ജയ്സ്വാളിന്റെ കാര്യത്തില്‍ സഞ്ജുവിന്റെ പെരുമാറ്റം എനിക്കു ഏറെ ഇഷ്ടമായി- മനോജ് തിവാരി പറഞ്ഞു.
കൊല്‍ക്കത്ത നൈറ്റ് റൈഡേഴ്സ് ബോളറുമാരെ ഈഡന്‍ ഗാര്‍ഡന്‍സില്‍ യശസ്വി ജയ്സ്വാള്‍ കൂട്ടക്കൊല ചെയ്ത രാത്രിയില്‍ ഇന്നലെ രാജസ്ഥാന്‍ റോയല്‍സ് 13.1 ഓവറില്‍ 150 റണ്‍സ് പിന്തുടര്‍ന്ന് 9 വിക്കറ്റ് വിജയം പിടിച്ചു.