ഇന്നലെ എംഎ ചിദംബരം സ്റ്റേഡിയത്തിൽ കൊൽക്കത്ത നൈറ്റ് റൈഡേഴ്സിനെ തളർത്തി 7 വിക്കറ്റിന് വിജയിച്ച് ചെന്നൈ സൂപ്പർ കിംഗ്സ് വിജയവഴിയിൽ തിരിച്ചെത്തി. നിലവിലെ ചാമ്പ്യന്മാർ 18 ഓവറിൽ കൊൽക്കത്ത ഉയർത്തിയ 138 റൺസ് വിജയലക്ഷ്യം വിജയകരമായി പിന്തുടർന്നു, രവീന്ദ്ര ജഡേജയുടെ മികച്ച ബൗളിംഗ് പ്രകടനത്തിനും സിഎസ്‌കെ ക്യാപ്റ്റനെന്ന നിലയിൽ റുതുരാജ് ഗെയ്‌ക്‌വാദിൻ്റെ അർദ്ധ സെഞ്ചുറിയുമാണ് ചെന്നൈ വിജയത്തിൽ സഹായിച്ചത്.
ഏറെ നാളുകളായി മോശം ഫോമിന്റെ പേരിൽ വിമർശനം കേൾക്കുക ആയിരുന്നു രവീന്ദ്ര ജഡേജ. എന്നാൽ തന്റെ ക്ലാസ് അങ്ങനെ ഇങ്ങനെ ഒന്നും വിട്ടുപോകില്ല എന്ന് തെളിയിച്ചുകൊണ്ട് ജഡേജ മനോഹരമായ ഓർ തിരിച്ചുവരവ് നടത്തിയിരിക്കുകയാണ്. കൊൽക്കത്തയ്ക്ക് എതിരെ നടാക്കുന്ന മത്സരത്തിലാണ് ബോളിങ്ങിൽ മായാജാലം കാണിക്കുന്ന ജഡേജയെ കാണാൻ സാധിച്ചു. ചെപ്പോക്കിൽ പോലും നിനക്ക് വിക്കറ്റ് നേടാൻ പറ്റില്ലേ എന്ന് ചോദിച്ചവരുടെ മുന്നിലാണ് മൂന്ന് വിക്കറ്റ് നേട്ടവുമായി ജഡേജ ആറാട്ട് നടത്തിയത്. മറുപടി ബാറ്റിംഗിൽ ചെന്നൈ വളരെ എളുപ്പത്തിൽ വിജയം പിന്തുടരുന്ന സമയത്താണ് ശിവം ദുബൈയുടെ വിക്കറ്റ് നഷ്ടമായത്. ആ സമയത്ത് ടീമിന് വേണ്ടത് 3 പന്തിൽ 19 റൺസ് മതിയായിരുന്നു.
ആരാധകർ മുഴുവൻ ധോണിയുടെ കടന്നുവരവിനും അദ്ദേഹം ഫിനിഷ് ചെയ്യുന്നതും കാണാൻ കാത്തിരുന്ന സമയത്തായിരുന്നു ജഡേജയുടെ മാസ് എൻട്രി. അത് ധോണിയും ജഡേജയും ചേർന്നൊരുക്കിയ ഒരു പ്രാങ്ക് ആയിരുന്നു. ബാറ്റുമായി ജഡേജ ഡ്രസിങ് റൂമിന് പുറത്തെത്തി ഗ്രൗണ്ടിലേക്ക് കയറുന്നതിന് തൊട്ടുമുമ്പ് തിരിച്ചുനടക്കുക ആയിരുന്നു. ശേഷമായിരുന്നു ധോണിയുടെ എൻട്രി. പ്രാങ്ക് ചെയ്യാനുള്ള ഐഡിയ ധോണി പറഞ്ഞത് ആണെന്നും ജഡേജ അത് അനുസരിച്ചെന്നും തുഷാർ ദേശ്പാണ്ഡെ മത്സരശേഷം പറഞ്ഞു.
മത്സരത്തിൽ ആരാധകർ ആഗ്രഹിച്ച ഫിനിഷിങ് ഒന്നും നല്കാൻ സാധിച്ചില്ലെങ്കിലും അവരുടെ ഇഷ്ട താരത്തെ മൂന്ന് പന്തെങ്കിലും കാണാൻ സാധിച്ചത് അവർക്ക് സന്തോഷം സമ്മാനിച്ചു.