ഐപിഎലില്‍ രാജസ്ഥാന്‍ റോയല്‍സിനെതിരേ അര്‍ദ്ധ സെഞ്ച്വറി നേടി ഹൈദരാബാദിന്റെ വിജയത്തില്‍ നിര്‍മായക പങ്ക് വഹിച്ച നിതീഷ് കുമാര്‍ റെഡ്ഡിയെ പ്രശംസിച്ച് ഏസീസ് മുന്‍ താരം ഷെയ്ന്‍ വാട്സണ്. താരത്തിന്റെ പ്രകടനത്തെ പ്രശംസിച്ച വാട്സണ് ഇന്ത്യയുടെ പേസ് ഓള്‍റൗണ്ടര്‍മാരില്‍ ഇഷ്ടം നിതീഷിനോടാണെന്ന് പറഞ്ഞു.
നിലവിലെ എന്റെ ഫേവറേറ്റ് ക്രിക്കറ്റ് താരങ്ങളിലൊരാളാണവന്‍. സ്പിന്നര്‍മാരെ എത്ര മനോഹരമായാണ് അവന്‍ നേരിടുന്നത്. യുസ്വേന്ദ്ര ചഹാല്‍, ആര്‍ അശ്വിന്‍ എന്നീ സീനിയര്‍ സ്പിന്നര്‍മാര്‍ക്കെതിരേ മികച്ച പ്രകടനം അവന്‍ നടത്തുന്നു. ഇത്രയും ചെറിയ പ്രായത്തില്‍ ഇങ്ങനെ കളിക്കുകയെന്നത് എളുപ്പമല്ല.
സമ്മര്‍ദ്ദ ഘട്ടത്തില്‍ രാജസ്ഥാനെതിരേ അവന്‍ നടത്തിയ പ്രകടനം മികവ് എടുത്തു കാട്ടുന്നതാണ്. അദ്ദേഹം ഒരു അപൂർവ പ്രതിഭയാണ്. ഐപിഎല്ലിൽ നിന്ന് ഉയർന്നുവരുന്ന ഇന്ത്യൻ ക്രിക്കറ്റ് താരങ്ങളിലൊരാളാണ് നിതീഷ് റെഡ്ഡി. അതുകൊണ്ടാണ് ഇന്ത്യൻ ക്രിക്കറ്റിന് പ്രതിഭകളുടെ സമ്പത്തുള്ളത്, നിതീഷ് അത്തരത്തിലുള്ള ഒരു രത്നമാണ്- വാട്സണ് പറഞ്ഞു.
വലിയ ഭാവിയുള്ള യുവ ഓള്‍റൗണ്ടറായാണ് നിതീഷിനെ പ്രമുഖര്‍ വിലയിരുത്തുന്നത്. രാജസ്ഥാനെതിരെ 2 പന്തില്‍ പുറത്താവാതെ 76 റണ്‍സ് നിതീഷ് നേടി. 3 ഫോറും 8 സിക്സും ഉള്‍പ്പെടുന്നതായിരുന്നു ഈ പ്രകടനം.