ഇന്ത്യന്‍ പ്രീമിയര്‍ ലീഗ് 2024 ല്‍ ചെന്നൈ സൂപ്പര്‍ കിംഗ്സിനെ നയിക്കുന്നത് റുതുരാജ് ഗെയ്ക്വാദാണ്. 17-ാം സീസണ്‍ ആരംഭിക്കുന്നതിന് മുമ്പ് എംഎസ് ധോണി അദ്ദേഹത്തിന് ക്യാപ്റ്റന്റെ ആംബാന്‍ഡ് നല്‍കി. നിലവിലെ ചാമ്പ്യന്മാര്‍ രണ്ട് മത്സരങ്ങള്‍ ജയിച്ചപ്പോള്‍ ഒരെണ്ണം തോറ്റിട്ടുണ്ട്. ഇപ്പോഴിതാ ഋതുരാജിന്റെ നായകത്വത്തെ കുറിച്ച് തുറന്നു പറഞ്ഞില്‍ നടത്തിയിരിക്കുകയാണ് ടീം ഓള്‍റൗണ്ടര്‍ ശിവം ദുബെ.
ക്യാപ്റ്റന്‍ എന്ന നിലയില്‍ ഋതുരാജ് മികച്ചതാണെന്ന് ദുബെ പറഞ്ഞു. ധോണി ക്യാപ്റ്റന്‍സി വിടാന്‍ തീരുമാനിച്ചതിന് ശേഷം ചെന്നൈ സൂപ്പര്‍ കിംഗ്സ് എപ്പോഴും തിരയുന്ന തരത്തിലുള്ള ക്യാപ്റ്റനാണ് അദ്ദേഹമെന്നും ഈ സീസണില്‍ അദ്ദേഹത്തിന് ആ ജോലി ലഭിച്ചുവെന്നും ദുബെ പറഞ്ഞു.
അവന്‍ മുന്നില്‍ നിന്ന് നയിക്കുകയും കാര്യങ്ങള്‍ എളുപ്പമാക്കുകയും ചെയ്യുന്നു. ഋതുരാജ് എല്ലാവരുമായും പദ്ധതികള്‍ ചര്‍ച്ച ചെയ്യുന്നുവെന്നും ദുബെ കൂട്ടിച്ചേര്‍ത്തു. അതേസമയം, ഋതുരാജിന് ഇത് പുതിയ ആളായതിനാല്‍ തീരുമാനമെടുക്കാന്‍ താരത്തെ ധോണി സഹായിക്കുന്നുണ്ട്.
മറ്റൊരു ഫിറ്റ്നസ് പ്രശ്നം നേരിടാന്‍ ആഗ്രഹിക്കാത്തതിനാല്‍ നിലവിലെ സീസണിന് ശേഷം ധോണി ഐപിഎല്‍ വിടുമെന്ന് അഭ്യൂഹങ്ങളുണ്ട്. കാല്‍മുട്ടിനേറ്റ പരിക്ക് പരിഹരിക്കാന്‍ കഴിഞ്ഞ സീസണിന് ശേഷം അദ്ദേഹം ശസ്ത്രക്രിയയ്ക്ക് വിധേയനായിരുന്നു. എന്നിരുന്നാലും, സുരേഷ് റെയ്‌ന, റോബിന്‍ ഉത്തപ്പ തുടങ്ങി നിരവധി കളിക്കാര്‍ ധോണി രണ്ട് സീസണുകള്‍ കൂടി തുടരുമെന്ന് പറഞ്ഞു.