ഐപിഎല്‍ 17ാം സീസണിന് മുന്നോടിയായി ദക്ഷിണാഫ്രിക്കന്‍ മുന്‍ ഓള്‍റൗണ്ടര്‍ ലാന്‍സ് ക്ലൂസ്നറിനെ ലഖ്നൗ സൂപ്പര്‍ ജയന്റ്സ് അസിസ്റ്റന്റ് കോച്ചായി നിയമിച്ചു. മുഖ്യ പരിശീലകന്‍ ജസ്റ്റിന്‍ ലാംഗറിനൊപ്പം അദ്ദേഹം പ്രവര്‍ത്തിക്കും. വെള്ളിയാഴ്ചയാണ് എല്‍എസ്ജി ഇക്കാര്യം അറിയിച്ചത്.
കളിക്കുന്ന കാലത്ത് മികച്ച ഓള്‍റൗണ്ടര്‍മാരില്‍ ഒരാളായിരുന്നു അദ്ദേഹം. ഒരു കരിമ്പ് ഫാമില്‍ ജോലി ചെയ്ത അദ്ദേഹം തന്റെ കഠിനാധ്വാനത്താല്‍ അന്താരാഷ്ട്ര ക്രിക്കറ്റില്‍ ഉയരങ്ങളിലെത്തിയ താരമാണ്.
ആക്രമണോത്സുകമായ ബാറ്റിംഗും വിക്കറ്റ് വീഴ്ത്താനുള്ള കഴിവും അദ്ദേഹത്തെ അക്കാലത്തെ ഏറ്റവും മികച്ച ക്രിക്കറ്റ് കളിക്കാരിലൊരാളാക്കി. ഫോര്‍മാറ്റുകളിലുടനീളം മികച്ച പ്രകടനങ്ങളിലൂടെ ദക്ഷിണാഫ്രിക്കയ്ക്കായി അദ്ദേഹം നിരവധി മത്സരങ്ങള്‍ നേടി.
1999 ലോകകപ്പില്‍ ദക്ഷിണാഫ്രിക്ക സെമിഫൈനല്‍ കളിച്ചപ്പോള്‍ ക്ലൂസ്നര്‍ 281 റണ്‍സും 17 വിക്കറ്റും നേടി. ലോകമെമ്പാടുമുള്ള നിരവധി ഫ്രാഞ്ചൈസികള്‍ക്കൊപ്പവും അഫ്ഗാനിസ്ഥാന്‍ ടീമുമായും ക്ലൂസെനര്‍ പ്രവര്‍ത്തിച്ചിട്ടുണ്ട്.