ഐപിഎല്‍ 2024ല്‍ എംഎസ് ധോണി ചെന്നൈ സൂപ്പര്‍ കിംഗ്സിന്റെ ഫിനിഷറാണ്. ഈ സീസണില്‍ താരം വെറ്ററന്‍ ഒമ്പത് ഇന്നിംഗ്സുകളില്‍നിന്ന് 224.48 സ്ട്രൈക്ക് റേറ്റില്‍ 110 റണ്‍സ് നേടി. ടൂര്‍ണമെന്റിലെ ധോണിയുടെ സ്വാധീനത്തെ പ്രശംസിച്ച സിഎസ്‌കെ മുഖ്യ പരിശീലകന്‍ സ്റ്റീഫന്‍ ഫ്‌ലെമിംഗ്, താരത്തിന്റെ ജോലിഭാരം നിയന്ത്രിക്കുന്നതിനെ കുറിച്ച് വെളിപ്പെടുത്തി.
ധോണി കൂടുതല്‍ നേരം ബാറ്റു ചെയ്യുന്നത് അദ്ദേഹത്തിന് റിസ്‌ക് ആണ്. സീസണിന്റെ തുടക്കത്തില്‍ തന്നെ മസില്‍ ഇഞ്ച്വറിയേറ്റത് ഞങ്ങള്‍ കണ്ടു. അവന് കൂടുതല്‍ നേരം ബാറ്റ് ചെയ്താല്‍ ഞങ്ങള്‍ക്ക് അവനെ നഷ്ടപ്പെടാന്‍ സാധ്യതയുണ്ട്.
അതിനാല്‍, മത്സരത്തില്‍ അവന് സ്വാധീനം ചെലുത്താന്‍ കഴിയുന്ന രീതിയില്‍ അവനെ ഉപയോഗിക്കാന്‍ ആണ് ഞങ്ങള്‍ ശ്രമിക്കുന്നത്. അതിനാല്‍, അവന് ഒമ്പതാം നമ്പറില്‍ വന്നതുകൊണ്ട് മാത്രം ടീമിലെ അദ്ദേഹത്തിന്റെ സ്വാധീനം കുറച്ചുകാണരുത്. അവന് ഞങ്ങള്‍ക്ക് എന്ത് നല്‍കുമെന്നത് ഞങ്ങള്‍ക്ക് അറിയാം. ഞങ്ങള്‍ അത് പരമാവധി പ്രയോജനപ്പെടുത്തും. പക്ഷേ ഞങ്ങള്‍ അവനെ പരിക്കിലൂടെ നഷ്ടപ്പെടുത്താന്‍ ആഗ്രഹിക്കുന്നില്ല.
ഒരു നല്ല ബാക്കപ്പ് കീപ്പര്‍ ഞങ്ങള്‍ക്ക് ഉണ്ട്. പക്ഷേ അദ്ദേഹം എംഎസ് ധോണിയല്ല. എംഎസ് ധോണിയെ മൈതാനത്ത് നിലനിര്‍ത്താന്‍ ഞങ്ങള്‍ ആഗ്രഹിക്കുന്നു, അവസാന രണ്ട്, മൂന്ന് ഓവറുകള്‍, ആണെങ്കിലും ആ ധോണിയെ ഞങ്ങള്‍ക്ക് ആവശ്യമാണ്- ഫ്‌ളെമിംഗ് കൂട്ടിച്ചേര്‍ത്തു.