ഐപിഎല്ലിന്റെ 17ാമത് സീസണ്‍ പുരോഗമിക്കവെ ടൂര്‍ണമെന്റില്‍ തന്റെ ഫേവറിറ്റ് ടീം ഏതാണെന്നു വെളിപ്പെടുത്തി നടന്‍ നിവിന്‍ പോളി. നിലവിലെ ജേതാക്കളായ ചെന്നൈ സൂപ്പര്‍ കിംഗ്സിന്റെ കട്ട ഫാനാണ് താനെന്നാണ് നിവിന്‍ വെളിപ്പെടുത്തി. ഇതിനു പിന്നിലുള്ള കാരണവും അദ്ദേഹം വ്യക്തമാക്കി.
എംഎസ് ധോണിയുടെ കടുത്ത ആരാധകനാണ് ഞാന്‍. അതുകൊണ്ടു തന്നെയാണ് ചെന്നൈയോടു കൂടുതല്‍ ഇഷ്ടവും. തലയുടെ (ധോണി) ഫാനല്ലാത്ത ആരും തന്നെയുണ്ടാവില്ല. നേടുന്ന ഫിഫ്റ്റികളോ, സെഞ്ച്വറികളോയല്ല. ചിലര്‍ ഒരു ഇമോഷനാണ്. ധോണിയെ സംബന്ധിച്ച് എനിക്കു തോന്നിയിട്ടുള്ളത് അദ്ദേഹം ഒരു ഇമോഷനാണെന്നു തന്നെയാണ്.
അതിനേക്കോള്‍ മികച്ച പ്ലെയര്‍ ഉണ്ടായിരിക്കാം. സ്റ്റാറ്റസ് നോക്കുകയാണെങ്കില്‍ വേറെ താരങ്ങളുണ്ടാവാം. പക്ഷെ ചുരുക്കം താരങ്ങള്‍ക്കു മാത്രമേ മറ്റുള്ളവര്‍ക്കു ഒരു ഇമോഷനായി മാറാന്‍ സാധിക്കുകയുള്ളൂ. അതിലൊരാളാണ് ധോണി- നിവിന്‍ വ്യക്തമാക്കി.
എന്നാല്‍ പുതിയ നായകന്‍ ഋതുരാജ് ഗെയ്ക്‌വാദിന്റെ കീഴില്‍ സിഎസ്‌കെ അത്ര മികച്ച പ്രകടനമല്ല ഇത്തവണ നടത്തിക്കൊണ്ടിരിക്കുന്നത്. പോയിന്റ് പട്ടികയില്‍ ഇപ്പോള്‍ അഞ്ചാംസ്ഥാനത്താണ് സിഎസ്‌കെയുള്ളത്. 10 മല്‍സരങ്ങളില്‍ അഞ്ചെണ്ണത്തിലാണ് ചെന്നൈയ്ക്കു ജയിക്കാനായത്. അതിനാല്‍ത്തന്നെ അവരുടെ പ്ലേഓഫ് സാധ്യതകള്‍ തുലാസിലാണ്.