മാര്‍ച്ച് 24 ന് നരേന്ദ്ര മോദി സ്റ്റേഡിയത്തില്‍ മുംബൈ ഇന്ത്യന്‍സിനെതിരെ ഐപിഎലില്‍ തന്റെ നായക അരങ്ങേറ്റം നടത്തുകയാണ് ശുഭ്മാന്‍ ഗില്‍. ഹാര്‍ദിക് പാണ്ഡ്യ മുംബൈയിലേക്ക് തിരിച്ചു പോയതിനാല്‍ ഗുജറാത്ത് ടൈറ്റന്‍സിന്റെ പുതിയ നായകന് വലിയ ഉത്തരവാദിത്തമുണ്ട്.
സീസണിലെ ആദ്യ മത്സരം ജയിച്ച് തന്നെ തുടങ്ങാനാണ് ഇരു ഫ്രാഞ്ചൈസികളും ലക്ഷ്യമിടുന്നത്. നിര്‍ണായക മത്സരത്തിന് മുന്നോടിയായി ഗില്ലിന് ഒരു സന്ദേശവുമായി വന്നിരിക്കുകയാണ് ഗുജറാത്ത് ടൈറ്റന്‍സ് പേസര്‍ മുഹമ്മദ് ഷമി. സീസണില്‍ പരിക്കിനെ തുടര്‍ന്ന് ഷമി പുറത്താണ്. യുവതാരത്തിന് നായകസ്ഥാനം നേരത്തെ വന്നിരിക്കുകയാണെന്നും എന്നാല്‍ താരം സമ്മര്‍ദ്ദത്തിലാകാതെ കളിക്കേണ്ടതുണ്ടെന്നും ഷമി പറഞ്ഞു.
ശുഭ്മാന്‍ ഗില്ലിന് ക്യാപ്റ്റന്‍ സ്ഥാനം നേരത്തെ വന്നു, അദ്ദേഹം അത് പ്രതീക്ഷിച്ചിരുന്നില്ലെന്ന് എനിക്ക് ഉറപ്പുണ്ട്. നിങ്ങള്‍ ഒരു ദിവസം ഉത്തരവാദിത്തം ഏറ്റെടുക്കണം. നിങ്ങള്‍ മുമ്പ് ഒരു ബാറ്ററായി മികച്ച പ്രകടനം നടത്തിയിട്ടുണ്ട്.
ഒരു നായകന് ആയതിനാല്‍ നിങ്ങള്‍ക്ക് ധാരാളം ലോഡ് എടുക്കാന്‍ കഴിയില്ല. ശാന്തമായിരിക്കുക. നിങ്ങള്‍ക്ക് വലിയ ഉത്തരവാദിത്തമുണ്ട്, നിങ്ങള്‍ക്ക് ഇല്ല എന്ന് പറയാന്‍ കഴിയില്ല. നിങ്ങളുടെ കഴിവുകളില്‍ ശ്രദ്ധ കേന്ദ്രീകരിക്കുക, ടീമിനെ എങ്ങനെ സന്തുലിതമാക്കാന്‍ കഴിയുമെന്ന് കാണുക- ഷമി ഉപദേശിച്ചു.