ഇന്ത്യൻ പ്രീമിയർ ലീഗിൽ ചെന്നൈ സൂപ്പർ കിംഗ്‌സ് വീണ്ടും എംഎസ് ധോണിയെ ക്യാപ്റ്റനാക്കണമെന്ന് സഞ്ജയ് മഞ്ജരേക്കർ. കഴിഞ്ഞ രണ്ട് സീസണുകളായി ഇതിഹാസ വിക്കറ്റ് കീപ്പറെ ഉപയോഗപ്പെടുത്താൻ ഫ്രാഞ്ചൈസിക്ക് കഴിഞ്ഞിട്ടില്ലെന്ന് പറഞ്ഞിരിക്കുകയാണ് മുൻ ഇന്ത്യൻ താരം.
റോയൽ ചലഞ്ചേഴ്‌സ് ബെംഗളൂരുവിനെതിരെ സിഎസ്‌കെ 197 റൺസിന്റെ വിജയലക്ഷ്യം പിന്തുടർന്ന മത്സരത്തിൽ 9-ാം നമ്പറിൽ ബാറ്റ് ചെയ്തതിന് ധോണിയെ വിമർശിച്ചതിന് പിന്നാലെയാണ് മഞ്ജരേക്കർ ഈ കാര്യം പറഞ്ഞത്. ആർ. അശ്വിനും ജഡേജയും എല്ലാം ബാറ്റിംഗ് ഓർഡറിൽ ധോണിക്ക് മുമ്പിൽ കളിക്കുക ആളായിരുന്നു.
അശ്വിന്റെ പുറത്താകലിന് ശേഷം ധോണി ബാറ്റ് ചെയ്യാൻ ഇറങ്ങി. 16 പന്തിൽ നിന്ന് പുറത്താകാതെ 30 റൺസ് നേടിയ അദ്ദേഹം തിളങ്ങിയെങ്കിലും ടീം 50 റൺസിന് മത്സരം തോറ്റു. “. കഴിഞ്ഞ രണ്ട് വർഷമായി എംഎസ് ധോണി ഒരു കളിക്കാരനേക്കാൾ ഒരു ബ്രാൻഡായിട്ടാണ് കളിക്കുന്നത്. എംഎസ് ഉള്ളതിനാൽ അവർ ഒരു അധിക ബാറ്ററെ തിരഞ്ഞെടുക്കുന്നില്ല. എംഎസ് ധോണിക്ക് ഒരുപാട് കാര്യങ്ങൾ ഇനിയും ചെയ്യാൻ സാധിക്കും” അദ്ദേഹം പറഞ്ഞു.
“ഇത്രയും വൈകി ബാറ്റ് ചെയ്യുമ്പോൾ എംഎസ് ധോണിക്ക് സിഎസ്‌കെയുടെ ക്യാപ്റ്റൻസി നൽകുക. വിക്കറ്റ് കീപ്പർ എന്ന നിലയിൽ അദ്ദേഹം മികച്ച പ്രകടനം കാഴ്ചവയ്ക്കുന്നുണ്ട്, പക്ഷേ ക്യാപ്റ്റനെന്ന നിലയിൽ അദ്ദേഹം കൂടുതൽ സംഭാവന നൽകും. അദ്ദേഹത്തെ ശരിയായി ടീം ഉപയോഗിക്കുന്നില്ല,” അദ്ദേഹം കൂട്ടിച്ചേർത്തു.
2024 ലെ ഐപിഎൽ ആരംഭിക്കുന്നതിന് മുമ്പ് ധോണി ക്യാപ്റ്റൻസി ഉപേക്ഷിക്കുക ആയിരുന്നു. ശേഷം ക്യാപ്റ്റന്റെ ആംബാൻഡ് റുതുരാജ് ഗെയ്ക്ക്‌വാദിന് നൽകി. ആ സീസണിൽ പ്ലേഓഫിൽ എത്താൻ ചെന്നൈ പരാജയപ്പെട്ടു. എന്തായാലും ഇന്ന് സിഎസ്‌കെ അവരുടെ അടുത്ത മത്സരത്തിൽ രാജസ്ഥാൻ റോയൽസിനെ നേരിടും.