ഫ്രാഞ്ചൈസികള്‍ ഇന്ത്യന്‍ പ്രീമിയര്‍ ലീഗ് 2025 മെഗാ ലേലത്തില്‍ തങ്ങള്‍ നിലനിര്‍ത്തുന്ന കളിക്കാരുടെ പട്ടിക അന്തിമമാക്കുന്നതിനുള്ള നീക്കങ്ങള്‍ ആരംഭിച്ചു. അഞ്ച് തവണ ചാമ്പ്യന്‍മാരായ ചെന്നൈ സൂപ്പര്‍ കിംഗ്സ് (സിഎസ്‌കെ) പുതിയ സീസണിലെ തങ്ങളുടെ ടീമിലേക്ക് രണ്ട് സ്റ്റാര്‍ ഇന്ത്യന്‍ കളിക്കാരെ എത്തിക്കാന്‍ ആഗ്രഹിക്കുന്നു.
ഇന്ത്യന്‍ എക്സ്പ്രസില്‍ നിന്നുള്ള റിപ്പോര്‍ട്ട് അനുസരിച്ച്, അഞ്ച് കളിക്കാരെ നിലനിര്‍ത്താന്‍ ബിസിസിഐ ഫ്രാഞ്ചൈസികളെ അനുവദിക്കാന്‍ സാധ്യതയുണ്ട്. എന്നാല്‍ റൈറ്റ് ടു മാച്ച് കാര്‍ഡ് (ആര്‍ടിഎം) ലഭ്യമല്ല. ടീമുകള്‍ തങ്ങളുടെ പ്രധാന ഗ്രൂപ്പിനെ കേടുകൂടാതെ നിലനിര്‍ത്താന്‍ ആഗ്രഹിക്കുന്നു. എംഎസ് ധോണി, രവീന്ദ്ര ജഡേജ, ക്യാപ്റ്റന്‍ റുതുരാജ് ഗെയ്ക്വാദ് എന്നിവരെയും മറ്റ് രണ്ട് ക്രിക്കറ്റ് താരങ്ങളെയും സിഎസ്‌കെ നിലനിര്‍ത്തും.
അതേസമയം മറ്റുചില റിപ്പോര്‍ട്ടുകള്‍ പ്രകാരം ആര്‍ അശ്വിന്‍, മുഹമ്മദ് ഷമി എന്നിവരെയും ചെന്നൈ ലക്ഷ്യമിടുന്നു. രണ്ട് ബോളര്‍മാരും മാച്ച് വിന്നര്‍മാരാണ്. കൂടാതെ ഐപിഎല്ലില്‍ മികച്ച പ്രകടനം പുറത്തെടുത്തവരാണ്.
ഷമി ഇപ്പോഴും ഗുജറാത്ത് ടൈറ്റന്‍സുമായി ബന്ധപ്പെട്ടിരിക്കുന്നു, അശ്വിന്‍ രാജസ്ഥാന്‍ റോയല്‍സിനായി കളിക്കുന്നു. കണങ്കാലിന് പരിക്കേറ്റതിനാല്‍ ടൂര്‍ണമെന്റിന്റെ അവസാന സീസണില്‍ ഷമിക്ക് നഷ്ടമായെങ്കിലും ഐപിഎലിന്റെ പുതിയ പതിപ്പിന് ഷമിക്ക് യോഗ്യനാകും.
ബംഗ്ലാദേശിനെതിരായ ആദ്യ ടെസ്റ്റിലെ ഓള്‍റൗണ്ട് പ്രകടനത്തിന് അശ്വിനാണ് പ്ലെയര്‍ ഓഫ് ദ മാച്ചായി തിരഞ്ഞെടുക്കപ്പെട്ടത്. ശിവം ദുബെയെയും മതീഷ പതിരണയെയും നിലനിര്‍ത്താനും സിഎസ്‌കെ ആലോചിക്കുന്നുണ്ട്. കഴിഞ്ഞ പതിപ്പില്‍ കിരീടം നേടിയെങ്കിലും 17-ാം സീസണില്‍ പ്ലേഓഫിലേക്ക് യോഗ്യത നേടുന്നതില്‍ സിഎസ്‌കെ പരാജയപ്പെട്ടു.