നിലവിൽ മുംബൈ ഇന്ത്യൻസിൽ കാര്യങ്ങൾ അത്ര വെടിപ്പായിട്ടല്ല പോകുന്നത്. ആദ്യ രണ്ട് മത്സരങ്ങളും ടീം തോറ്റതോടെ വൻ വിമർശനങ്ങളുമായി ഒരുപാട് ആരാധകരും, പല മുൻ താരങ്ങളും രംഗത്ത് എത്തിയിരുന്നു. എന്നാൽ ടീമിൽ ഒരു ബ്രഹ്മാസ്ത്രം ഉണ്ടെന്നും അത് കൊണ്ട് മുംബൈയെ ആരും ചെറുതായി കാണരുതെന്നും പറഞ്ഞിരിക്കുകയാണ് ആകാശ് ചോപ്ര.
ആകാശ് ചോപ്ര പറയുന്നത് ഇങ്ങനെ:
” ജസ്പ്രീത് ബുംറയുടെ വിടവ് ടീമിനെ നന്നായി ബാധിക്കുന്നുണ്ട് എന്ന് ഞാൻ കരുതുന്നു, അദ്ദേഹം വരുന്നതുവരെ ഈ ടീം അല്പം ദുർബലമായി കാണപ്പെടും. എന്നിരുന്നാലും, അദ്ദേഹം ആവശ്യമുള്ളപ്പോൾ വരും, പക്ഷേ അവിടെയുള്ള താരങ്ങൾ ശരിയായ കാര്യങ്ങൾ ചെയ്യുന്നുണ്ടോ? എന്റെ അഭിപ്രായത്തിൽ, ക്യാപ്റ്റനും, പരിശീലകനും അവരുടെ പ്ലെയിങ് ഇലവനെ ശരിയായി തിരഞ്ഞെടുക്കേണ്ടതുണ്ട്, അത് അവർ ചെയ്യുന്നില്ല”
ആകാശ് ചോപ്ര തുടർന്നു:
” എനിക്ക് തോന്നുന്നത് അവർ വരുത്തേണ്ട മാറ്റങ്ങൾ ഇവയാണ്- രോഹിത് ശർമ്മ ഇങ്ങനെ ആയാൽ പോരാ. കൂടുതൽ റൺസ് നേടണം, അല്ലെങ്കിൽ ടീം വിജയിക്കില്ല. രണ്ട് മത്സരങ്ങളിൽ നിന്ന് എട്ട് പന്തിൽ നിന്ന് എട്ട് റൺസ് അദ്ദേഹം നേടിയിട്ടുണ്ട്, അത് പോരാ.
ആകാശ് ചോപ്ര കൂട്ടിച്ചേർത്തു:
” റയാൻ റിക്കെൽട്ടണെ പുറത്താക്കേണ്ടിവരും. അദ്ദേഹത്തിന് പകരം വിൽ ജാക്‌സിനെ കളിപ്പിക്കേണ്ടിവരും. വിൽ ജാക്‌സിനെ കളിപ്പിച്ച് അവനെ ഓപ്പണറാക്കുക.കൂടാതെ മുജീബിനെ കളിപ്പിക്കേണ്ട ആവശ്യമില്ല. അദ്ദേഹത്തിന് പകരം റീസ് ടോപ്‌ലിയെ കളിപ്പിക്കുക. ഇത്തരം മാറ്റങ്ങളാണ് ടീം വരുത്തേണ്ടത്” ആകാശ് ചോപ്ര പറഞ്ഞു.