ഐപിഎല്ലിൽ ഇതുവരെ തോൽവിയറിയാതെ മുന്നേറിയ ഡൽഹി ക്യാപിറ്റൽസിനെ തകർത്തെറിഞ്ഞ് മുംബൈ ഇന്ത്യൻസ് അതിനിർണായക ജയം സ്വന്തമാക്കി. 12 റൺസിനാണ് മുംബൈ ഡൽഹിയെ വീഴ്ത്തിയത്. മത്സരത്തിൽ ആദ്യം ബാറ്റ് ചെയ്ത മുംബൈ ഇന്ത്യൻസ് നിശ്ചിത 20 ഓവറിൽ അഞ്ച് വിക്കറ്റ് നഷ്ടത്തിൽ 205 റൺസെടുത്തു.
മറുപടി ബാറ്റിങ്ങിൽ 19 ഓവറിൽ 193 റൺസിൽ എല്ലാവരും പുറത്തായി. ജയം ഉറപ്പിച്ച സ്ഥലത്ത് നിന്ന് ഡൽഹി അനാവശ്യ അബദ്ധങ്ങൾ കാണിച്ച് തോൽവി വഴങ്ങുക ആയിരുന്നു. മത്സരശേഷം ടീമിന്റെ പ്രകടനത്തെ കുറിച്ച് മുംബൈ ഇന്ത്യൻസ് നായകൻ ഹാർദിക്‌ പാണ്ട്യ സംസാരിച്ചു.
ഹാർദിക്‌ പാണ്ട്യ പറയുന്നത് ഇങ്ങനെ:
” വിജയങ്ങൾ എപ്പോഴും ഒരു പ്രത്യേക അനുഭൂതിയാണ്. പ്രത്യേകിച്ചും ഇതുപോലെ ആവേശകരമായ വിജയങ്ങൾ. കരുൺ നായർ വളരെ മികച്ച രീതിയിലാണ് ബാറ്റ് ചെയ്തത്. അതുകണ്ടപ്പോൾ മുംബൈ ഇന്ത്യൻസ് മത്സരത്തിൽ പരാജയപ്പെടുമെന്ന് കരുതിയിരുന്നു”
ഹാർദിക്‌ പാണ്ട്യ തുടർന്നു:
” ബൗണ്ടറികൾ വെറും 60 മീറ്റർ മാത്രം അകലെയുള്ളപ്പോഴാണ് ഇത്തരമൊരു മികച്ച പ്രകടനം കരൺ പുറത്തെടുത്തത്. മുംബൈ ഇന്ത്യൻസ് ഒരിക്കലും കീഴടങ്ങിയില്ല. മത്സരം വിജയിക്കാൻ ആഗ്രഹിക്കുന്നു എന്ന് പറഞ്ഞുകൊണ്ടേയിരുന്നു. എല്ലാവരും അവരവരുടെ പങ്ക് നന്നായി നിർവഹിച്ചു. ലഭിച്ച അവസരങ്ങൾ മുംബൈ നന്നായി മുതലെടുത്തു. ഡൽഹി ബാറ്റ് ചെയ്തപ്പോൾ നന്നായി മഞ്ഞ് വീഴ്ച ഉണ്ടായിരുന്നു. എങ്കിലും രണ്ടോ മൂന്നോ വിക്കറ്റുകൾ വീണാൽ കളി മാറും എന്ന് മുംബൈയ്ക്ക് അറിയാമായിരുന്നു. ഇത് മുമ്പും എനിക്ക് സംഭവിച്ചിട്ടുണ്ട്. ഇതുപോലെയുള്ള ജയങ്ങൾ ടീമിന്റെ മൊമെന്റം മാറ്റുകയും എല്ലാ കാര്യങ്ങളും അനുകൂലമാക്കുകയും ചെയ്യും” ഹാർദിക്‌ പാണ്ട്യ പറഞ്ഞു.