ഐപിഎലിൽ ഇന്നലെ നടന്ന മത്സരത്തിൽ ആവേശകരമായ പോരാട്ടത്തിനായിരുന്നു ആരാധകർ സാക്ഷിയായത്. ലക്‌നൗ സൂപ്പർ ജയന്റസിനെതിരെ ഡൽഹി ക്യാപിറ്റൽസ് ഒരു വിക്കറ്റിന് വിജയിച്ചു. തുടക്കം മുതൽ വിജയിക്കുമെന്ന ഉറപ്പിച്ചത് ലക്‌നൗ സൂപ്പർ ജയന്റ്‌സായിരുന്നു. എന്നാൽ അവസാന നിമിഷം ഡൽഹി താരം അശുതോഷ് ശർമ്മ നേടിയ തകർപ്പൻ അർദ്ധ സെഞ്ചുറിയിൽ ഡൽഹി വിജയിക്കുകയായിരുന്നു.
ഇന്നലെ നടന്ന മത്സരത്തിൽ ലക്‌നൗവിൽ ഏറ്റവും മോശമായ പ്രകടനം കാഴ്ച വെച്ച താരം അത് ക്യാപ്റ്റൻ റിഷബ് പന്ത് തന്നെയായിരുന്നു. ബാറ്റിംഗിൽ താരം 6 പന്തുകളിൽ നിന്നായി ഗോൾഡൻ ഡക്കായി. കൂടാതെ അവസാന നിമിഷം മോഹിത് ശർമ്മയുടെ നിർണായകമായ സ്റ്റമ്പിങ്ങും താരം പാഴാക്കി. ഇതോടെ ഡൽഹിയുടെ വിജയവാതിൽ തുറന്നു. റിഷഭ് പന്തിനെ ഒരു മത്സരം കൊണ്ട് വിലയിരുത്തരുതെന്ന് പറഞ്ഞ് രംഗത്ത് എത്തിയിരിക്കുകയാണ് മുൻ ഇന്ത്യൻ താരമായ സുനിൽ ഗവാസ്കർ.
സുനിൽ ഗവാസ്കർ പറയുന്നത് ഇങ്ങനെ:
” വളരെ ബുദ്ധിയുള്ള ക്രിക്കറ്ററാണ് റിഷഭ് പന്ത്. ഇന്നലത്തെ മത്സരം കൊണ്ട് അവന്റെ ബാറ്റിംഗിലും, ക്യാപ്റ്റൻസിയിൽ വന്ന പോരായ്മകളുടെ ഉൾകാഴ്ച അവന് ലഭിച്ചിട്ടുണ്ട്. എനിക്ക് അവനിൽ വിശ്വാസമുണ്ട്, അവൻ മികച്ച തിരിച്ച് വരവ് നടത്തുമെന്നതിൽ”
സുനിൽ ഗവാസ്കർ തുടർന്നു:
” ഒരു ക്യാപ്റ്റൻ മികച്ച പ്രകടനത്തിലൂടെ റൺസുകൾ ഉയർത്തിയാലോ, അല്ലെങ്കിൽ ഒരുപാട് വിക്കറ്റുകൾ നേടിയാലോ സ്വാഭാവീകമായും അവന്റെ കോൺഫിഡൻസ് ഉയരും. ഒരിക്കൽ അവന് മികച്ച റൺസ് നേടാൻ സാധിച്ചാൽ അവന്റെ ക്യാപ്റ്റൻസിയും മികച്ചതാകും. ഇത് ആദ്യ മത്സരമല്ലേ, ഇനിയും ഉണ്ട് 13 മത്സരങ്ങൾ” സുനിൽ ഗവാസ്കർ പറഞ്ഞു.
