2025 ലെ ഐപിഎൽ ഒത്തുകളി ഭീഷണിയുണ്ടെന്ന് സംശയിക്കുന്നതായി ഇന്ത്യൻ ക്രിക്കറ്റ് കൺട്രോൾ ബോർഡ് ബിസിസിഐ ടീമുകൾക്ക് മുന്നറിയിപ്പ് നൽകിയിരിക്കുന്നു. ക്രിക്ക്ബസിന്റെ റിപ്പോർട്ട് അനുസരിച്ച്, ഹൈദരാബാദിൽ നിന്നുള്ള ഒരു ബിസിനസുകാരൻ. കളിക്കാരെയും പരിശീലകരെയും സപ്പോർട്ട് സ്റ്റാഫുകളെയും കമന്റേറ്റർമാരെയും ഒത്തുകളിക്കാൻ പ്രേരിപ്പിക്കുന്നതായി റിപ്പോർട്ട്.
ഇന്ത്യൻ പ്രീമിയർ ലീഗ് ഇതുവരെയുള്ള ചരിത്രം പരിശോധിച്ചാൽ ഇന്ന് ലോകത്തിലെ ഏറ്റവും ബെസ്റ്റ് ടൂർണമെന്റ് ആണ്. എന്നിരുന്നാലും, ചില കളിക്കാർക്ക് ആജീവനാന്ത വിലക്ക് ഏർപ്പെടുത്തിയ മാച്ച് ഫിക്സിംഗ് അഴിമതികൾ ലീഗിനെ ഈ നാളുകളിൽ കളങ്കപ്പെടുത്തിയിട്ടുണ്ട്. ഇതിന് മറുപടിയായി, ടൂർണമെന്റിന്റെ സമഗ്രത കാത്തുസൂക്ഷിക്കാൻ ഇന്ത്യൻ ക്രിക്കറ്റ് കൺട്രോൾ ബോർഡ് ശക്തമായ നടപടികൾ സ്വീകരിച്ചിട്ടുണ്ട്.
2013-ൽ സ്‌പോട്ട് ഫിക്സിംഗിൽ ഉൾപ്പെട്ടതിന് മൂന്ന് രാജസ്ഥാൻ റോയൽസ് കളിക്കാരെ ഡൽഹി പോലീസ് അറസ്റ്റ് ചെയ്തു. ക്രിക്കറ്റ് ലോകത്ത് ഈ വാർത്ത ഞെട്ടലുണ്ടാക്കി. നിയമവിരുദ്ധമായ വാതുവെപ്പ് പ്രവർത്തനങ്ങൾ നടത്തിയതിനാൽ 2015-ൽ ചെന്നൈ സൂപ്പർ കിംഗ്‌സിനെയും രാജസ്ഥാൻ റോയൽസിനെയും ബിസിസിഐ രണ്ട് വർഷത്തേക്ക് സസ്‌പെൻഡ് ചെയ്തു.
ഹൈദരാബാദിൽ നിന്നുള്ള ബിസിനസുകാരന് അറിയപ്പെടുന്ന വാതുവെപ്പുകാരുമായി ബന്ധമുണ്ടെന്നും അഴിമതി പ്രവർത്തനങ്ങളിൽ ഏർപ്പെട്ടതിന്റെ ചരിത്രമുണ്ടെന്നും ആരോപിക്കപ്പെടുന്നു. ലീഗിനെ സ്വാധീനിക്കാൻ കളിക്കാർ, പരിശീലകർ, ടീം ഉടമകൾ, സപ്പോർട്ട് സ്റ്റാഫ്, കമന്റേറ്റർമാർ എന്നിവരുമായി പോലും ബന്ധം സ്ഥാപിക്കാൻ ഈ വ്യക്തി ശ്രമിക്കുന്നുണ്ടെന്ന് അഴിമതി വിരുദ്ധ സുരക്ഷാ യൂണിറ്റ് (ACSU) പറയിലെന്ന ക്രിക്ക്ബസ് റിപ്പോർട്ട് കൂട്ടിച്ചേർത്തു.
Read more
ഇതിന് മറുപടിയായി, എല്ലാ ഐപിഎൽ പങ്കാളികൾക്കും ബിസിസിഐ കർശന മുന്നറിയിപ്പ് നൽകിയിട്ടുണ്ട്. ടൂർണമെന്റിൽ ഉൾപ്പെട്ടിരിക്കുന്ന എല്ലാവരോടും ബിസിനസുകാരനുമായുള്ള ഏതെങ്കിലും തരത്തിലുള്ള ഇടപെടൽ ഒഴിവാക്കാനും നേരിട്ടോ അല്ലാതെയോ ഉള്ള ഇടപെടലുകൾ ഉടൻ റിപ്പോർട്ട് ചെയ്യാനും നിർദ്ദേശിച്ചിട്ടുണ്ട്.
