ഓപ്പണർ രോഹിത് ശർമ്മ മുംബൈ ഇന്ത്യൻസ് ഫ്രാഞ്ചൈസി വിടില്ലെന്നും വരാനിരിക്കുന്ന ഇന്ത്യൻ പ്രീമിയർ ലീഗ് (ഐപിഎൽ) 2025 സീസണിൽ ടീമിനായി കളിക്കുന്നത് തുടരുമെന്നും സ്റ്റാർ ഇന്ത്യയുടെ ഓഫ് സ്പിന്നർ രവിചന്ദ്രൻ അശ്വിൻ . കഴിഞ്ഞ വർഷം, ടൂർണമെൻ്റിൻ്റെ ചരിത്രത്തിലെ ഏറ്റവും മികച്ച ടീമുകളിൽ ഒന്നായ മുംബൈയുടെ നേട്ടങ്ങൾക്ക് എല്ലാം കാരണമായ നായകനായ രോഹിതിന് പകരം ഹാർദിക് തിരഞ്ഞെടുക്കപ്പെട്ടിരുന്നു. ഫ്രാഞ്ചൈസിയിൽ നിന്നുള്ള തീരുമാനം ആരാധകരുടെയും താരത്തിന്റെയും സഹതാരങ്ങളിൽ നിന്നുമുള്ള അമര്ഷത്തിന് കാരണമായി.
“നിങ്ങൾ രോഹിത്തിന്റെ ഭാഗം ഒന്ന് ചിന്തിച്ച് നോക്കുക . എനിക്ക് തലവേദനയൊന്നും വേണ്ട എന്ന് അവൻ ചിന്തിക്കാം. ഞാൻ ഇന്ത്യയുടെ ക്യാപ്റ്റനായിരുന്നു. ഞാൻ പലതവണ മുംബൈ നായകനാക്കിയിട്ടുണ്ട്. ഞാൻ ക്യാപ്റ്റനല്ലെങ്കിലും മുംബൈയിൽ ഹാപ്പി ആയിട്ടിരിക്കും. സന്തോഷത്തോടെ ഞാൻ മുംബൈക്കായി കളിക്കും. പണം മാത്രമല്ല ഏറ്റവും വലിയ കാര്യമെന്ന് ചില താരങ്ങൾക്ക് അറിയാം.” അശ്വിൻ പറഞ്ഞു.
നായക സ്ഥാനം നഷ്ടപ്പെട്ടെങ്കിലും 32.07 ശരാശരിയിലും 150 സ്‌ട്രൈക്ക് റേറ്റിലും 417 റൺസ് സ്‌കോർ ചെയ്‌ത രോഹിത് കഴിഞ്ഞ സീസൺ ലീഗിൽ തിളങ്ങിയിരുന്നു. 2013-ൽ റിക്കി പോണ്ടിംഗിൽ നിന്ന് ഫ്രാഞ്ചൈസിയുടെ നായകസ്ഥാനം ഏറ്റെടുത്ത രോഹിത് എംഐയെ അവരുടെ സുവർണ്ണ കാലഘട്ടത്തിലേക്ക് കൊണ്ടുപോയി, 10 വർഷത്തിനുള്ളിൽ അഞ്ച് തവണ ട്രോഫി നേടി (2013, 2015, 2017, 2019, 2020) രണ്ട് തവണ പ്ലേഓഫിലെത്തി.
അതേസമയം രോഹിത്തിന്റെ കാര്യത്തിൽ ഇതുവരെ മുംബൈ ഇതുവരെ തീരുമാനിച്ചിട്ടില്ല.
