ഐപിഎല്ലിൽ ചെന്നൈ സൂപ്പർ കിംഗ്‌സിനെ അഞ്ച് വിക്കറ്റിന് കീഴടക്കി അതിർണായക ജയമാണ് സൺറൈസേഴ്‌സ് ഹൈദരാബാദ് സ്വന്തമാക്കിയത്. ചെന്നൈ ഉയർത്തിയ 155 റൺസ് വിജയലക്ഷ്യം എട്ട് പന്തുകൾ ബാക്കി നിൽക്കെയാണ് ഹൈദരാബാദ് മറികടന്നത്. ചെന്നൈ ബാറ്റർമാർ ഉത്തരവാദിത്വം മറന്നപ്പോൾ ഹൈദരാബാദ് ബാറ്റ്‌സ്മാന്മാർ വളരെ ബുദ്ധിപൂർവ്വം സ്കോർ പിന്തുടരുക ആയിരുന്നു.
എന്തായാലും സീസണിൽ വെറും 2 മത്സരങ്ങൾ മാത്രം ജയിച്ച ചെന്നൈ പ്ലേ ഓഫ് എത്താതെ പുറത്തായി. മത്സരത്തിൽ ഹൈദരാബാദ് ബാറ്റിംഗ് നടക്കുന്ന സമയത്ത് ചെന്നൈ താരം ഷെയ്ഖ് റഷീദ്, സാധാരണ ശാന്തനായ എംഎസ് ധോണിയുടെ കോപം ഏറ്റുവാങ്ങി. എട്ടാം ഓവറിൽ ഇഷാൻ കിഷൻ ഒരു ഡെലിവറിയിൽ സിംഗിൾ എടുത്തതിന് പിന്നാലെ ആയിരുന്നു സംഭവം. എക്‌സ്ട്രാ കവറിൽ ഫീൽഡ് ചെയ്യുകയായിരുന്നു റഷീദ്, പന്ത് നേരെ സ്റ്റമ്പിലേക്ക് എറിഞ്ഞു. എന്നാൽ ത്രോ ലക്ഷ്യം തെറ്റിയതോടെ അതിന്റെ ഫലമായി എസ്‌ആർ‌എച്ചിന് ഒരു അധിക റൺ ലഭിച്ചു. എംഎസ് ധോണിക്ക് ഇത് കണ്ടിട്ട് കലിപ്പ് ആയി. അൽപ്പം ബുദ്ധി ഉപയോഗിക്കാൻ അദ്ദേഹം യുവതാരത്തോട് പറയുകയും ചെയ്തു.
സി‌എസ്‌കെ റഷീദിൽ വൻതോതിൽ നിക്ഷേപം നടത്തിയിട്ടുണ്ട്. വരും വർഷങ്ങളിൽ സി‌എസ്‌കെയുടെ ബാറ്റിംഗിന്റെ നെടുംതൂണുകളിൽ ഒരാളാകാൻ അദ്ദേഹത്തിന് കഴിയും. SRH-നെതിരെ ഗോൾഡൻ ഡക്കായി പുറത്തായെങ്കിലും മുൻ മത്സരങ്ങളിൽ അദ്ദേഹം ഭേദപ്പെട്ട പ്രകടനം നടത്തി. മൊത്തത്തിൽ, ഇതുവരെ സി‌എസ്‌കെയ്‌ക്കായി കളിച്ച മൂന്ന് മത്സരങ്ങളിൽ നിന്ന് അദ്ദേഹം 46 റൺസ് നേടിയിട്ടുണ്ട്. ഇത് കൂടാതെ ആയുഷ് മാത്രെയും മികവ് കാണിച്ചു. 19 പന്തിൽ നിന്ന് 30 റൺസ് നേടി അദ്ദേഹം തിളങ്ങി. ഡെവാൾഡ് ബ്രെവിസും സി‌എസ്‌കെയ്‌ക്കായി അരങ്ങേറ്റം കുറിച്ചു, 25 പന്തിൽ നിന്ന് 42 റൺസ് നേടിയ അദ്ദേഹം തിളങ്ങി. ഐ‌പി‌എൽ 2025 സി‌എസ്‌കെയുടെ വഴിക്ക് പോയിരിക്കില്ല, പക്ഷേ ബ്രെവിസ്, റഷീദ്, മാത്രെ എന്നിവരിലൂടെ അവർക്ക് ചില പോസിറ്റീവുകൾ ലഭിച്ചിട്ടുണ്ട്, അവർ ഫ്രാഞ്ചൈസിക്ക് ദീർഘകാല രത്‌നങ്ങൾ ആണ്.
എന്തായാലും വരും സീസണിൽ ചെന്നൈ തിരിച്ചുവരും എന്നാണ് ആരാധക പ്രതീക്ഷ.