ഇന്ത്യൻ പ്രീമിയർ ലീഗ് ക്രിക്കറ്റ് ടൂർണമെൻറിൻറെ 18-ാം പതിപ്പിൽ ഇത്തവണ രണ്ടും കല്പിച്ച് ഇറങ്ങുകയാണ് ഗുജറാത്ത് ടൈറ്റൻസ്. അരങ്ങേറ്റം കുറിച്ച ആദ്യ സീസണിൽ തന്നെ കപ്പ് ജേതാക്കളായ ടീം കഴിഞ്ഞ വർഷം നടന്ന ഐപിഎലിൽ ലീഗ് സ്റ്റേജിൽ പുറത്തായിരുന്നു. അതിന്റെ ക്ഷീണം മാറ്റാൻ ഇത്തവണ മികച്ച താരങ്ങളെയാണ് മെഗാ താരലേലത്തിൽ ടീം സ്വന്തമാക്കിയത്. 20 ഓവർ മത്സരത്തിൽ 300 റൺസ് വരെ അടിക്കാനുള്ള കെൽപ്പ് ടീമിനുണ്ടെന്ന് പറഞ്ഞിരിക്കുകയാണ് ക്യാപ്റ്റൻ ശുഭ്മൻ ഗിൽ.
ശുഭ്മൻ ഗിൽ പറയുന്നത് ഇങ്ങനെ:
” ഐപിഎൽ വേഗത്തിലാണ് മുന്നേറുന്നത്. ഇത്തവണ ചില മത്സരങ്ങളിൽ 300 റൺസ് അടിക്കാൻ ഗുജറാത്ത് ടൈറ്റൻസിന് കഴിഞ്ഞേക്കും. കഴിഞ്ഞ വർഷം ചില വേദികളിൽ ഗുജറാത്ത് 300 റൺസിനോട് അടുത്തതാണ്. ഇംപാക്ട് പ്ലെയർ നിയമം ഒരു അധിക ബാറ്ററെ ടീമിൽ ഉൾപ്പെടുത്താൻ കഴിയുന്നു. അത് ഐപിഎൽ കൂടുതൽ ആവേശകരമാക്കുന്നു”
ശുഭ്മൻ ഗിൽ പറയുന്നത് ഇങ്ങനെ:
” പലപ്പോഴും മുൻനിരയിലേക്ക് എത്തിപ്പെടാൻ കഴിയാത്ത താരങ്ങളാണ് ഐപിഎല്ലിൽ മികച്ച പ്രകടനവുമായി ഞെട്ടിക്കുന്നത്. ഐപിഎല്ലിൽ മത്സരങ്ങൾ അടുത്തടുത്ത് വരുന്നു. കൂടുതൽ യാത്ര ചെയ്യേണ്ടതുണ്ട്. അത് എതിർ ടീമിലെ താരങ്ങളുമായി ഉൾപ്പെടെ ക്രിക്കറ്റ് സംസാരിക്കുവാൻ ഗുണം ചെയ്യും. മൂന്ന്, നാല് തുടർച്ചായ വിജയങ്ങൾ ടീമിനും താരങ്ങൾക്കും മികച്ച പ്രകടനം നടത്താനുള്ള പ്രചോദനം നൽകുകയും ചെയ്യുന്നു” ശുഭ്മൻ ഗിൽ പറഞ്ഞു.
