ഇര്‍ഫാന്‍ പത്താന് ഇനി പുതിയ ടീം

അഭ്യന്തര ക്രിക്കറ്റിലേക്ക് തിരിച്ചുവരാന്‍ ശ്രമിക്കുന്ന മുന്‍ ഇന്ത്യന്‍ താരം ഇര്‍ഫാന്‍ പത്താനെ സ്വന്തമാക്കാന്‍ മറ്റൊരു ടീമെത്തി. ജമ്മു കശ്മീര്‍ ടീമാണ് ഇര്‍ഫാനെ സ്വന്തമാക്കാന്‍ അവസാന വട്ട ശ്രമം തുടങ്ങിയത്. അടുത്ത രഞ്ജി സീസണില്‍ ഇര്‍ഫാന്‍ ജമ്മു ടീമിനായി കളിച്ചേക്കും.

ഈ മാസം തുടക്കത്തില്‍ പത്താന്‍ മറ്റ് ടീമുകളില്‍ കളിക്കുന്നതിന് വേണ്ടി നോ ഒബ്ജക്ഷന്‍ സര്‍ട്ടിഫിക്കറ്റിനായി ബറോഡ ക്രിക്കറ്റ് അസോസിയേഷനെ സമീപിച്ചിരുന്നു. ഇപ്പോള്‍ ജമ്മു കാശ്മീര്‍ ക്രിക്കറ്റ് അസോസിയേഷന്‍ ഭാരവാഹിയുമായി താരം ചര്‍ച്ച നടത്തുകയും ചെയ്തു.

ജമ്മു കാശ്മീരില്‍ ക്രിക്കറ്റിനെ വളര്‍ത്തുന്നതിന് വേണ്ടി മുന്‍ ഇന്ത്യന്‍ നായകന്‍ കപില്‍ദേവുമൊന്ന് ഇര്‍ഫാന്‍, കാശ്മീരിലെ ക്രിക്കറ്റ് ഭാരവാഹികളെ കാണുകയായിരുന്നു. പത്താന്‍ ടീമിലെത്തുന്ന കാര്യത്തില്‍ ഉടന്‍ തന്നെ തീരുമാനമാവുമെന്നാണ് അറിയാന്‍ കഴിയുന്നത്.

എന്നാല്‍ താരം ഒരുപക്ഷേ, ടീമില്‍ കളിക്കാതെ, മെന്ററായി മാറാനാണ് വരുന്നതെന്നും റിപ്പോര്‍ട്ടുകളുണ്ട്.

നേരത്തെ രഞ്ജി ട്രോഫിയ്ക്ക് പുറമെ സയ്യിദ് മുഷ്താഖ് അലി ട്രോഫി ടി20യിലും ബറോഡ ടീമില്‍ ഇടംകിട്ടാതെ വന്നതോടെയാണ് ഇര്‍ഫാന്‍ ബറോഡ വിടാന്‍ തീരുമാനിച്ചത്. ഈ രഞ്ജി സീസണില്‍ രണ്ട് മത്സരം മാത്രമാണ് ബറോഡയ്ക്കായി ഇര്‍ഫാന് കളിക്കാനായത്