ശ്രീലങ്കയ്‌ക്കെതിരെ നടക്കുന്ന സീരീസിലെ ആദ്യ മത്സരത്തിൽ കരുത്തരായ ഇന്ത്യ ശ്രീലങ്കയോട് സമനില നേടേണ്ടി വന്നിരുന്നു. മികച്ച ബോളിങ് കാഴ്ച വെച്ച ഇന്ത്യയ്ക്ക് ബാറ്റിങ്ങിൽ ഗംഭീര പ്രകടനം നടത്താൻ സാധിച്ചിരുന്നില്ല. വിക്കറ്റുകൾ പെട്ടന്ന് പോയതാണ് ഇന്ത്യയ്ക്ക് തോൽവി ഏറ്റുവാങ്ങാൻ കാരണമായത്. ശിവം ദുബൈ സമനിലയിൽ കളി എത്തിച്ചെങ്കിലും അവസാന വിക്കറ്റിൽ വന്ന അർശ്ദീപ് സിങ് മോശമായ ഷോട്ട് കളിക്കുകയും തുടർന്ന് അദ്ദേഹം പുറത്തായയുടെ മത്സരം സമനിലയിൽ അവസാനിച്ചു. പുതിയ പരിശീലകനായ ഗൗതം ഗംഭീറിന്റെ കീഴിൽ ഇന്ത്യയുടെ ആദ്യ ഏകദിന മത്സരം ആയിരുന്നു ഇത്. മികച്ച വിജയം പ്രതീക്ഷിച്ച ആരാധകർക്ക് നിരാശയോടെ ആണ് മടങ്ങേണ്ടി വന്നത്.
ഈ ആവേശകരമായ ഫലത്തിനുപുറമെ, മത്സരത്തിൽ ഒത്തിരി നിമിഷങ്ങൾ ആരാധകരെ രസിപ്പിക്കുന്ന തരത്തിൽ ഉള്ളതായിരുന്നു. അതിലൊന്ന് ആരാധകരെ ശരിക്കും പൊട്ടിചിരിപ്പിച്ചെന്ന് പറയാം . ശ്രീലങ്കയുടെ ഇന്നിംഗ്‌സിൻ്റെ 35-ാം ഓവറിൽ അക്‌സർ പട്ടേലിൻ്റെ പന്തിൽ രോഹിത് ശർമ്മയുടെ ക്യാച്ചിൽ ശ്രീലങ്കൻ താരം ജനിത് ലിയാനഗെ ഫസ്റ്റ് സ്ലിപ്പിൽ കുടുങ്ങി.
ഇന്ത്യൻ താരങ്ങൾ അപ്പീൽ ചെയ്തയുടൻ, ഓൺ-ഫീൽഡ് അമ്പയർ ഔട്ട് സിഗ്നൽ നൽകാത്തത് ശ്രദ്ധിക്കാതെ ലിയാനഗെ ഡഗൗട്ടിലേക്ക് മടങ്ങി. ശേഷം അമ്പയർ ജോയൽ വിൽസൺ വിരൽ ഉയർത്തിയെങ്കിലും പിന്നീട് റീപ്ലേയിൽ ബാറ്റ് ടച്ച് ഇല്ലായിരുന്നു എന്നും ലിയാനഗെ പുറത്തുപോയില്ലായിരുന്നെങ്കിൽ പുറത്താകുമായിരുന്നില്ലെന്നുമാണ് വ്യക്തമായത്.
ഈ സംഭവത്തിന് ശേഷം, രോഹിതും സ്റ്റാർ ബാറ്റർ വിരാട് കോഹ്‌ലിയും അക്‌സറും ഒരു ചെറിയ ചിരി പങ്കിടുന്നത് എല്ലാവരേയും രസിപ്പിച്ചു. ഇവനായിട്ട് ഞങ്ങൾക്ക് ഒരു സഹായം ചെയ്തല്ലോ എന്ന ഭാവമാണ് അപ്പോൾ താരങ്ങളുടെ മുഖത്ത് ഉണ്ടായിരുന്നത്.