ഓസ്ട്രേലിയൻ ഓൾ റൗണ്ടർ ഗ്ലെൻ മാക്‌സ്‌വെല്ലിനെ ആശുപത്രിയിൽ പ്രവേശിപ്പിച്ചു. മദ്യപിച്ചതിനെ തുടർന്നുണ്ടായ പ്രശ്നങ്ങളാണ് താരത്തെ ആശുപത്രിയിൽ പ്രവേശിപ്പിച്ചതെന്നാണ് ആദ്യ റിപ്പോർട്ടുകൾ. അവിടെ എന്താണ് സംഭവിച്ചതെന്ന് വ്യക്തമല്ല. ചികിത്സയ്ക്ക് ശേഷം താരം ആശുപത്രി വിട്ടു. കഴിഞ്ഞ ദിവസം അഡ്‌ലെയ്ഡിൽ നടന്ന നൈറ്റ് പാർട്ടിക്ക് പിന്നാലെയാണ് താരത്തെ ആശുപത്രിയിൽ പ്രവേശിപ്പിച്ചത്. സംഭവം നടക്കുമ്പോൾ ഓസ്ട്രേലിയൻ മുൻ താരം ബ്രെറ്റ്‌ലിയും ഭാഗമായ സിക്സ് ആന്റ് ഔട്ട് എന്ന റോക് ബാൻഡ് നടക്കുന്നുണ്ടായിരുന്നു. എന്താണ് ശരിക്കും സംഭവിച്ചത് എന്നതിൽ വ്യക്തതയില്ല. സംഭവത്തിൽ ക്രിക്കറ്റ് ആസ്ട്രേലിയ അന്വേഷണം ആരംഭിച്ചിട്ടുണ്ട്.
ഇപ്പോഴിതാ ഗ്ലെൻ മാക്‌സ്‌വെല്ലുമായി ബന്ധപ്പെട്ട സംഭവത്തിൽ മുൻ ഓസ്ട്രേലിയൻ ടെസ്റ്റ് ക്യാപ്റ്റൻ മൈക്കൽ ക്ലാർക്ക് ആശങ്ക പ്രകടിപ്പിച്ചു. മാക്‌സ്‌വെല്ലിനെ ആംബുലൻസിൽ ആശുപത്രിയിൽ എത്തിക്കുക എന്ന ആശയം ഭയാനകമാണെന്ന് തന്റെ ആശങ്ക പ്രകടിപ്പിച്ചുകൊണ്ട് ക്ലാർക്ക് ഊന്നിപ്പറഞ്ഞു.
മുൻ താരം പറഞ്ഞ വാക്കുകൾ ഇങ്ങനെ:
“ആംബുലൻസിൽ ഒരാൾ അന്തിയുറങ്ങുന്നതിനെക്കുറിച്ച് എനിക്ക് അസ്വസ്ഥതയുണ്ട്, പ്രത്യേകിച്ച് ഫീൽഡിന് പുറത്തുള്ള സംഭവങ്ങളുമായി ബന്ധപ്പെട്ട്. സംശയത്തിന്റെ ആനുകൂല്യം നൽകുന്നതിലും കുറ്റം തെളിയിക്കപ്പെടുന്നതുവരെ അവൻ നിരപരാധി ആണെന്നും ഞാൻ വിശ്വസിക്കുന്നു. ക്രിക്കറ്റ് ഓസ്‌ട്രേലിയ സമഗ്രമായി അന്വേഷിക്കും, ക്യാമറകളും സാക്ഷികളും ഉണ്ടെങ്കിൽ സത്യം പുറത്തുവരും, ”ക്ലാർക്ക് news.com.au ന് നൽകിയ അഭിമുഖത്തിൽ പറഞ്ഞു.
“മറ്റൊരു നിർണായക വശം അവൻ സുഖമായിരിക്കുന്നുവെന്ന് ഉറപ്പാക്കുന്നു. ആശുപത്രിയിൽ ഒരു രാത്രി പോലും ഞാൻ താമസിച്ചില്ല. വ്യക്തിപരമായി, ഞാൻ എത്രമാത്രം മദ്യപിച്ചിട്ടുണ്ടെങ്കിലും എനിക്ക് ആംബുലൻസ് വിളിക്കേണ്ടി വന്നിട്ടില്ല. ഇതിൽ കൂടുതൽ എന്തെങ്കിലും ഉണ്ടോ എന്ന് എനിക്ക് ആശങ്കയുണ്ട്, എന്റെ പ്രാഥമിക പ്രതീക്ഷ അവന്റെ ക്ഷേമത്തിലാണ്, ”അദ്ദേഹം കൂട്ടിച്ചേർത്തു.
അടുത്തിടെ വെസ്റ്റ് ഇൻഡീസിനെതിരായ ഏകദിന ടീമിൽ നിന്ന് മാക്‌സ്‌വെല്ലിനെ ഒഴിവാക്കിയിരുന്നു. ബിഗ് ബാഷ് ലീഗ് 2024 ലെ മോശം ഫലങ്ങൾക്ക് ശേഷം അദ്ദേഹം അടുത്തിടെ മെൽബൺ സ്റ്റാർസിന്റെ ക്യാപ്റ്റൻ സ്ഥാനത്ത്‌നിന്ന് രാജിവച്ചിരുന്നു. വെസ്റ്റ് ഇൻഡീസിനെതിരായ ടി20 പരമ്പരയാണ് ഇനി മാക്‌സ്‌വെൽ ഓസ്ട്രേലിയൻ കുപ്പായത്തിൽ ഇറങ്ങാനിരിക്കുന്ന മത്സരം. ഫെബ്രുവരി ഒൻപത് മുതലാണ് ടി20 പരമ്പര.