ഈ സീസണിലെ ഇന്ത്യൻ പ്രീമിയർ ലീഗ് (ഐപിഎൽ 2023) പ്ലേഓഫിലേക്ക് യോഗ്യത നേടാനുള്ള ഡൽഹി ക്യാപിറ്റൽസിന്റെ സാദ്ധ്യതകൾ അവസാനിച്ചെന്നും എന്തൊക്കെ സംഭവിച്ചാലും ഈ ടീം ഈ പ്രകടനവുമായി പ്ലേ ഓഫിൽ എത്തില്ലെന്നും ആകാശ് ചോപ്ര വിശ്വസിക്കുന്നു.
തുടർച്ചയായ നാലാം തോൽവിയേറ്റു വാങ്ങിയ ഡൽഹിയെ ഏറ്റവും കൂടുതൽ കുഴക്കുന്നത് അവരുടെ ബാറ്റിംഗ് ഡിപ്പാർട്മെന്റ് തന്നെയാണ്. ചൊവ്വാഴ്ച ഡൽഹിയിൽ മുംബൈ ഇന്ത്യൻസിനോട് (എംഐ) ആറ് വിക്കറ്റിന് പരാജയപ്പെട്ട ടീം കളിച്ച നാല് മത്സരങ്ങളിലും തോൽവിയേറ്റ് വാങ്ങി. ഡൽഹി ഉയർത്തിയ 173 റൺസ് വിജയലക്ഷ്യം രോഹിത് ശർമ്മയും കൂട്ടരും അവസാന ഓവറിലെ അവസാന പന്തിൽ മറി കടന്നു.
തന്റെ യൂട്യൂബ് ചാനലിൽ പങ്കിട്ട ഒരു വീഡിയോയിൽ ഗെയിം അവലോകനം ചെയ്യുമ്പോൾ, പ്ലേഓഫിലേക്ക് കടക്കാനുള്ള ഡൽഹി ക്യാപിറ്റൽസിന്റെ സാദ്ധ്യതകളെ കുറിച്ച് ചോപ്ര പ്രതികരിച്ചു. ബാറ്റ് ഉപയോഗിച്ചുള്ള ഡേവിഡ് വാർണറുടെ സമീപനത്തെയും അദ്ദേഹം ചോദ്യം ചെയ്തു:
“ഡൽഹി – നാല് മത്സരങ്ങളിൽ നാല് തോൽവിയേറ്റ് വാങ്ങി . ഈ ടീം യോഗ്യത നേടില്ലെന്ന് ഏകദേശം ഉറപ്പായി. ഡേവിഡ് വാർണറും പൃഥ്വി ഷായും തുടക്കത്തിൽ നന്നായി കളിച്ചു. ഡേവിഡ് വാർണർ മൂന്ന് കളിയിലും അർദ്ധ സെഞ്ച്വറി നേടി, ചോദ്യം എന്തെന്നാൽ അയാൾ നന്നായി കളിക്കുന്നുണ്ടോ എന്നാണ്.”
മൂന്ന് അർദ്ധ സെഞ്ച്വറികൾ നേടിയിട്ടും ഡൽഹി ക്യാപിറ്റൽസ് ക്യാപ്റ്റൻ ഐപിഎൽ 2023ൽ ഇതുവരെ നല്ല പ്രകടനം പുറത്തെടുത്തിട്ടില്ലെന്ന് മുൻ ഇന്ത്യൻ ഓപ്പണർ എടുത്തുപറഞ്ഞു:
“അദ്ദേഹം റൺസ് നേടുന്നുണ്ട് എന്നത് ശരിയാണ്, നാല് മത്സരങ്ങളിൽ നിന്ന് മൂന്ന് അർദ്ധ സെഞ്ച്വറി താരം നേടിയിട്ടുണ്ട്. എന്നാൽ ഇതുവരെ ഒരു സിക്‌സ് പോലും അടിച്ചിട്ടില്ല. ഈ ടൂർണമെന്റിന്റെ ചരിത്രത്തിൽ താൻ കളിച്ച എല്ലാ 20 പന്തുകളിലും ഒരു സിക്‌സ് നേടിയ കളിക്കാരനാണ് അദ്ദേഹം. ഇവിടെ 200 ഓളം പന്തുകൾ കളിച്ചു, പക്ഷേ ഇതുവരെ ഒരു സിക്‌സ് അടിച്ചിട്ടില്ല. ഡേവിഡ് വാർണറെപ്പോലെ ഒരാൾക്ക് ഇത് മോശം അവസ്ഥയാണ്.”
ഇത്ര മികച്ച താരങ്ങൾ അടങ്ങിയ ടീമിനായി സ്ഥിരതയോടെ പ്രകടനങ്ങൾ നടത്തുന്ന താരങ്ങൾ കുറവാണ്. ഭേദപ്പെട്ട പ്രകടനം പുറത്തെടുക്കുന്നത് ബാറ്റിംഗിലും ബോളിംഗിലും തിളങ്ങാൻ മികച്ച ചില സംഭാവനകൾ നൽകിയ അക്‌സർ പട്ടേൽ മാത്രമാണ്.