ഈ സീസണിലെ സാധ്യതകൾ അവസാനിച്ച നിലയിലാണ് ചെന്നൈ സൂപ്പർ കിങ്‌സ് . നിലവിൽ എട്ട് മത്സരങ്ങളിൽ നിന്നും രണ്ട് വിജയവും ആറ് പരാജയങ്ങളുമായി ഒൻപതാം സ്ഥാനത്താണ് ചെന്നൈ സൂപ്പർ കിങ്‌സ്. ഇനിയുള്ള എല്ലാ മത്സരങ്ങളും ജയിച്ചാൽ മാത്രമേ ചെന്നൈക്ക് മുന്നേറാൻ സാധിക്കൂ. ഇപ്പോഴിതാ ചെന്നൈ നായകൻ ആയതോടെ ജഡേജയുടെ സമ്മർദ്ദം കൂട്ടി എന്ന് പറയുകയാണ് ആകാശ് ചോപ്ര.
പഞ്ചാബ് കിങ്‌സിനെതിരേ തിങ്കളാഴ്ച രാത്രി നടന്ന കളിയില്‍ സിഎസ്‌കെ 11 റണ്‍സിനു പരാജയപ്പെട്ട ശേഷം സംസാരിക്കുകയായിരുന്നു അദ്ദേഹം. ഈ തോല്‍വിയോടെ സിഎസ്‌കെയുടെ പ്ലേഓഫ് പ്രതീക്ഷകള്‍ക്കും തിരിച്ചടി നേരിട്ടിരുന്നു
” ജഡേജക്ക് ബാറ്റ് കൊണ്ട് ഒന്നും ചെയ്യാൻ പറ്റുന്നില്ല. സമ്മർദ്ദം നമുക്ക് കാണാൻ സാധിക്കും. അദ്ദേഹത്തിന്റെ ഈ അവസ്ഥ ചെന്നൈക്കും ഇന്ത്യൻ ടീമിനും ശുഭ സൂചനയല്ല. ബോളിങില്‍ വിക്കറ്റുകളെടുക്കുവാൻ മാത്രല്ല ബാറ്റിങില്‍ റണ്‍സ് സ്‌കോര്‍ ചെയ്യുവാൻ സാധിക്കുന്നില്ല. ജഡേജയുടെ ബാറ്റിങ് മുൻപ് നടത്തിയ പ്രകടനങ്ങൾ പോലെ ശരിയാകുന്നില്ല. ബോളില്‍ ശരിയായ രീതിയിൽ ബാറ്റ് കൊള്ളുന്നില്ല . ജഡേജയുടെ മോശം ഫോം ചെന്നൈ ടീമിനെ തളർത്തുന്നുണ്ട്.”
ഈ സീസണില്‍ കളിച്ച എട്ടു മല്‍സങ്ങളില്‍ നിന്നും 22..40 ശരാശരിയില്‍ 121.73 സ്‌ട്രൈക്ക് റേറ്റില്‍ 112 റണ്‍സ് മാത്രമാണ് ജഡേജയ്ക്കു നേടാനായത്. എട്ടു മല്‍സരങ്ങളില്‍ നിന്നും 8.19 ഇക്കോണി റേറ്റില്‍ അഞ്ചു വിക്കറ്റുകള്‍ മാത്രമ അദ്ദേഹം നേടിയിട്ടുള്ളൂ. മേയ് ഒന്നിനു ഞായറാഴ്ച മികച്ച ഫോമിലുള്ള സണ്‍റൈസേഴ്‌സ് ഹൈദരാബാദുമായിട്ടാണ് ചെന്നൈയുടെ അടുത്ത മല്‍സരം. ഈ കളിയില്‍ തോല്‍ക്കുകയാണെങ്കില്‍ ചെന്നൈയുടെ പ്ലേഓഫ് സാധ്യതകള്‍ ഏറെക്കുറെ അവസാനിക്കുകയും ചെയ്യും.
കഴിഞ്ഞ സീസണിലൊക്കെ ബാറ്റ് കൊണ്ടും പന്ത് കൊണ്ടും ഫീൽഡിങ്ങിലും മികവ് കൊണ്ട് ടീമിനെ ജയിപ്പിച്ച ജഡേജ ഈ 3 മേഖലയിലും പുറകോട്ട് പോയതും കാണാൻ സാധിച്ചു.