എക്കാലത്തെയും മികച്ച ഫീൽഡറായി കണക്കാക്കപ്പെടുന്ന ദക്ഷിണാഫ്രിക്കൻ ഇതിഹാസം ജോണ്ടി റോഡ്‌സ്, ന്യൂസിലൻഡിന്റെ ഗ്ലെൻ ഫിലിപ്സ് ആണ് തന്നെക്കാൾ മികച്ച ഫീൽഡർ എന്നും അയാളുടെ മികവിനൊപ്പം താൻ എത്തില്ല എന്നും പറഞ്ഞിരിക്കുകയാണ്. 2025 ലെ ഐസിസി ചാമ്പ്യൻസ് ട്രോഫിയിൽ തന്റെ അതിശയിപ്പിക്കുന്ന ഫീൽഡിംഗ് ശ്രമങ്ങളിലൂടെ ഗ്ലെൻ ഫിലിപ്സ് വാർത്തകളിൽ ഇടം നേടിയിരുന്നു.
ഗ്രൂപ്പ് എയിലെ അവസാന മത്സരത്തിൽ, ഫിലിപ്സ് ഒരു അത്ഭുതകരമായ ക്യാച്ച് എടുത്ത് വിരാട് കോഹ്‌ലിയെ പുറത്താക്കി, ഏവരെയും അത്ഭുതപ്പെടുത്തി. സമീപകാലത്ത് കണ്ട ഏറ്റവും മികച്ച ക്യാച്ചുകളിൽ ഒന്നായിരുന്നു അത്. ദുബായിൽ ഇന്ത്യയ്‌ക്കെതിരായ 2025 ലെ ഐസിസി ചാമ്പ്യൻസ് ട്രോഫി ഫൈനലിൽ അദ്ദേഹം വീണ്ടും തന്റെ സൂപ്പർമാൻ അവതാരം കാണിച്ചു.
ഫൈനലിൽ 49 പന്തിൽ നിന്ന് 31 റൺസ് നേടിയ ഗിൽ, മിച്ചൽ സാന്റ്നർ എറിഞ്ഞ പന്ത് കവർ ഡ്രൈവ് കളിക്കാൻ ശ്രമിച്ചപ്പോൾ പിഴച്ചു. അദ്ദേഹം അടിച്ച പന്ത് ഫിലിപ്സിന്റെ തലക്ക് മുകളിലൂടെയാണ് പറന്ന് പൊങ്ങിയത്. ഒരു സൂപ്പർമാനെ പോലെ ഒറ്റ കൈയിൽ താരം ആയ ക്യാച്ച് കൈയിൽ ഒതുക്കിയപ്പോൾ അത് കിവീസിനെ മത്സരത്തിലേക്ക് മടങ്ങിവരാനും അവസാനം വരെ പൊരുത്തനും സഹായിച്ചു.
ഇതിന് പിന്നാലെ ഗ്ലെൻ ഫിലിപ്സിന്റെ അടിപൊളി ക്യാച്ചിന്റെ വീഡിയോ ഒരു ആരാധകൻ സോഷ്യൽ മീഡിയയിൽ പോസ്റ്റ് ചെയ്തു, ഇതിഹാസ ഫീൽഡർ ജോണ്ടി റോഡ്സിനെ ടാഗ് ചെയ്തുകൊണ്ട് അദ്ദേഹത്തെ ഈ തലമുറയിലെ ഏറ്റവും മികച്ച ഫീൽഡർ എന്ന് പോലും വിളിച്ചു. എന്നാൽ എല്ലാവരെയും അത്ഭുതപ്പെടുത്തിയത് റോഡ്സിന്റെ പ്രതികരണമാണ്.
“ക്ഷമിക്കണം @JontyRhodes8, ഈ തലമുറയിലെ ഏറ്റവും മികച്ച ഫീൽഡറായ ഫിലിപ്സ് ആണെന്ന് ഞങ്ങൾ വിശ്വസിക്കുന്നു” എന്ന് അടിക്കുറിപ്പ് നൽകി. അതിന് പ്രോട്ടിയസ് ഇതിഹാസം മറുപടി നൽകി, “എന്തിന് ക്ഷമിക്കണം, ഞാൻ സമ്മതിക്കുന്നു.”
എന്തായാലും കിരീടം നേടാൻ പറ്റിയില്ലെങ്കിലും എന്നെന്നും ഓർക്കാൻ പറ്റുന്ന ഒരു ചാമ്പ്യൻസ് ട്രോഫിയാണ് ഫിലിപ്സിനെ സംബന്ധിച്ച് കഴിഞ്ഞു പോയത്.
https://x.com/JontyRhodes8/status/1899020150336106626?ref_src=twsrc%5Etfw%7Ctwcamp%5Etweetembed%7Ctwterm%5E1899020150336106626%7Ctwgr%5E05a80e99bfe11d26d2034a84f8916514e4fac835%7Ctwcon%5Es1_&ref_url=https%3A%2F%2Fcricketaddictor.com%2Fcricket-news%2Fjonty-rhodes-kicks-aside-ravindra-jadeja-names-best-fielder-of-the-generation-116010%2F
Read more
