ഐസിസി ടെസ്റ്റ് റാങ്കിംഗില്‍ വന്‍ നേട്ടമുണ്ടാക്കി ഇന്ത്യന്‍ ബൗളര്‍ ജസ്പ്രീത് ബുംറ മുമ്പോട്ട് പോയപ്പോള്‍ ഇന്ത്യയൂടെ മൂന്‍ നായകന്‍ വിരാട്‌കോഹ്ലിയ്ക്ക് വന്‍ വീഴ്ച. ബൗളര്‍മാരുടെ പട്ടികയില്‍ ആറ് സ്ഥാനങ്ങള്‍ മെച്ചപ്പെടുത്തി ബുംറ മുമ്പോട്ട് കയറിയപ്പോള്‍ വിരാട്‌കോഹ്ലി അഞ്ചില്‍ നിന്നും ഒമ്പതാം സ്ഥാനത്തേക്ക് വീണു.
ലങ്കയ്ക്ക എതിരേയുള്ള പരമ്പരയില്‍ അഞ്ചുവിക്കറ്റ് നേട്ടം ഉള്‍പ്പെടെ മികച്ച പ്രകടനം നടത്തിയ ബുംറെ 830 പോയിന്റ് നേടി നാലാം സ്ഥാനത്താണ് എത്തിയത്. ബൗളര്‍മാരുടെ പട്ടികയില്‍ ആദ്യ പത്തില്‍ ബുംറയെക്കുടാതെ ഇന്ത്യയുടെ രവിചന്ദ്രന്‍ അശ്വിനുമുണ്ട്. 850 പോയന്റുമായി രണ്ടാം സ്ഥാനത്താണ് അശ്വിന്‍. ഓസീസ് താരം പാറ്റ് കമ്മിന്‍സാണ് പട്ടികയില്‍ ഒന്നാമന്‍.
ദക്ഷിണാഫ്രിക്കയുടെ കഗിസോ റബാദ മൂന്നാമതും പാകിസ്താന്റെ ഷഹീന്‍ അഫ്രീദി അഞ്ചാം സ്ഥാനത്തും നില്‍ക്കുന്നു. ബാറ്റര്‍മാരില്‍ അ്ഞ്ചാം സ്ഥാനത്തായിരുന്ന കോ്ഹ്ലി ഒമ്പതാം സ്ഥാനത്തേക്കാണ് വീണത്. നായകന്‍ രോഹിത് ശര്‍മ്മയും ഋഷഭ് പന്തും ആദ്യ പത്തിലുണ്ട്. രോഹിത് ആറാമതും പന്ത് പത്താമതുമാണ്. ഓസ്ട്രേലിയയുടെ മാര്‍നസ് ലബൂഷെയ്നാണ് പട്ടികയില്‍ ഒന്നാമത്. ഇംഗ്ലണ്ടിന്റെ ജോ റൂട്ട് രണ്ടാമതും ഓസ്ട്രേലിയയുടെ തന്നെ സ്റ്റീവ് സ്മിത്ത് മൂന്നാം സ്ഥാനത്തും നില്‍ക്കുന്നു.