Connect with us
https://southlive.in/wp-content/uploads/2018/08/728-x-90-pix.jpg

CRICKET

ധവാന് ചീത്തവിളിയും പരിഹാസവും; റബാഡ വിവാദത്തില്‍

, 12:05 pm

പോര്‍ട്ട് എലിസബത്ത്: ഇന്ത്യയ്‌ക്കെതിരെ അഞ്ചാം ഏകദിനത്തില്‍ ദക്ഷിണാഫ്രിക്കന്‍ പേസ് ബൗളര്‍ കഗിസോ റബാഡ വിവാദത്തില്‍. കളിക്കളത്തിലെ മോശം പെരുമാറ്റമാണ് റബാഡയെ വീണ്ടും വിവാദ നായകനാക്കിയിരിക്കുന്നത്.

മത്സരത്തില്‍ ഇന്ത്യന്‍ ഓപ്പണര്‍ ശിഖര്‍ ധവാനോടാണ് റബാഡ് മോശമായി പെരുമാറിയത്. ധവാനെ പുറത്താക്കിയതിന് ശേഷം റബാഡ കാട്ടിയ ആഗ്യമാണ് വിവാദത്തിലായിരിക്കുന്നത്. റബാഡയുടെ പന്തില്‍ കൂറ്റനടിയ്ക്ക ശ്രമിച്ച ധവാന്‍ ഫെലൂക്വായോയുടെ കൈകളിലൊതുങ്ങുകയായിരുന്നു.

ഇതിന് പിന്നാലെ ഗ്രൗണ്ടില്‍ അമിതാഹ്ലാദം പ്രകടിപ്പിച്ച റബാഡ ധവാനോട് ഡ്രസ്സിംഗ് റൂമിലേക്ക് മടങ്ങാന്‍ ആഗ്യം കാണിക്കുകയായിരുന്നു. മത്രമല്ല ആഗ്യത്തിനൊപ്പം അശ്ലീല പദപ്രയോഗവും റബാഡ നടത്തി. കളിക്കളത്തില്‍ താരങ്ങളുടെ പെരുമാറ്റം സംബന്ധിച്ച് ശക്തമായ നിരീക്ഷണം ഐസിസി നടത്തുന്നതിനാല്‍ സംഭവത്തില്‍ താരത്തിനെതിരെ നടപടിയുണ്ടായേക്കും.

 

മത്സരത്തില്‍ 23 പന്തില്‍ 34 റണ്‍സാണ് ധവാന്‍ സ്വന്തമാക്കിയത്.

ഇതാദ്യമായല്ല റബാഡ കളിക്കളത്തില്‍ മോശം പെരുമാറ്റത്തിന്റെ പേരില്‍ വാര്‍ത്തകളില്‍ നിറയുന്നത്. കഴിഞ്ഞ വര്‍ഷം ഇംഗ്ലീഷ് താരങ്ങള്‍ക്കെതിരെ മോശം ആഗ്യം കാണിച്ചതിന് റബാഡയ്ക്ക ഐസിസി വിലക്ക് നേരിട്ടിരുന്നു.

Advertisement