ഈ സീസണിൽ രാജസ്ഥാൻ രണ്ടും കല്പിച്ചാണെന്ന് സീസണിലെ രാജസ്ഥാന്റെ ഇതുവരെയുള്ള മത്സരങ്ങൾ കണ്ടപ്പോൾ തന്നെ ആരാധകർക്ക് മനസിലായതാണ്. ബാറ്റിങ്ങും ബോളിങ്ങും ഫീൽഡിങ്ങും നോക്കിയാൽ സീസണിൽ രാജസ്‌തോനാളം ഭംഗി ആയി കളിക്കുന്ന മറ്റൊരു ടീം ഇല്ലെന്ന് തന്നെ പറയാം. ഒരു താരം ഫോമിൽ അല്ലെങ്കിൽ തളർന്ന് പോകുന്ന ടീമിൽ നിന്ന് വ്യത്യസ്തമായി ഒരാൾക്ക് പകരം മൂന്ന് പേര് എങ്കിലും ഫോമിലേക്ക് ഉയരുന്നിടത്താണ് രാജസ്ഥാന്റെ വിജയം.
കഴിഞ്ഞ സീസണിൽ ടീമിന്റെ വിജയത്തിൽ നിർണായക പങ്ക് വഹിച്ച ജയ്‌സ്വാൾ, ബട്ട്ലർ എന്നിവർ ഒന്നും ഈ സീസണിൽ ഫോമിൽ അല്ല. ബട്ട്ലർ ഒരു കളിയിൽ സെഞ്ച്വറി അടിച്ചെന്ന് ഒഴിച്ചാൽ നിരാശപ്പെടുത്തുന്നു. ജയ്‌സ്വാൾ ആകട്ടെ സീസണിലെ ആദ്യ മത്സരത്തിൽ തിളങ്ങിയത് ഒഴിച്ചാൽ മോശം ഫോമിലാണ് . അവിടെയാണ് സഞ്ജു എന്ന നായകനും പരാഗിനെ പോലെ ഉള്ള താരങ്ങളും അവസരത്തിനൊത്ത് ഉയർന്നത്. സീസണിൽ ഇരുവരും ടോപ് സ്കോറർമാരുടെ പട്ടികയിൽ ഉണ്ട്.
പരാഗ് കോഹ്‌ലിക്ക് പിന്നിൽ രണ്ടാം സ്ഥാനത്ത് നിൽക്കുമ്പോൾ സഞ്ജു മൂന്നാം സ്ഥാനത്താണ് . സീസണിൽ കോഹ്‌ലിക്ക് ശേഷം 200 റൺ പിന്നിടുന്ന താരങ്ങൾ ആയി ഇരുവരും മാറിയിരിക്കുകയാണ്. ഇന്ന് ഗുജറാത്തിനെതിരായ മത്സരത്തിൽ ടോസ് നഷ്ടപെട്ടിറങ്ങിയ രാജസ്ഥനായി സഞ്ജു പരാഗ് കൂട്ടുകെട്ട് ടീമിനെ ട്രാക്കിൽ എത്തിക്കുക ആയിരുന്നു.
നിലവിൽ അർദ്ധ സെഞ്ച്വറി പിന്നിട്ട ഇരുവരും രാജസ്ഥാനെ മികച്ച സ്‌കോറിൽ എത്തിക്കാൻ ശ്രമിക്കുകയാണ്. സഞ്ജു ആകട്ടെ സീസണിലെ മൂന്നാം അർദ്ധ സെഞ്ചുറിയാണ് നേടിയിരിക്കുന്നത്.
https://twitter.com/CricCrazyJohns/status/1778084248374899023/photo/1