ലോകകപ്പ് ജേതാവും മുൻ പാകിസ്ഥാൻ ഫാസ്റ്റ് ബൗളറുമായ അക്വിബ് ജാവേദ് ആരാണ് മികച്ച ബാറ്റർ എന്ന ചോദ്യത്തിന് മറുപടി പറഞ്ഞ രംഗത്ത് എത്തിയിരിക്കുകയാണ്. വിരാട് കോഹ്‌ലി അല്ലെങ്കിൽ ബാബർ അസം ആരാണ് മികച്ചത് എന്ന ചോദ്യം ഫുട്‍ബോളിലെ റൊണാൾഡോ മെസി പോര് പോലെ ഉത്തരമില്ലാതെ തുടരുകയാണ് എന്നത് ശ്രദ്ധിക്കണം.
കോഹ്‌ലി ലോക ക്രിക്കറ്റിലെ രാജാവ് ആയി നിൽക്കുമ്പോൾ ആ രാജാവിന് എന്നും ഭീക്ഷണിയാണ് ബാബർ . കോഹ്‌ലി സ്ഥാപിച്ച ഓരോ റെക്കോർഡും തകർക്കുമെന്ന് ഉള്ള രീതിയിലാണ് താരം കളിക്കുന്നത്. വരും വർഷങ്ങളിൽ അവയിൽ പലതും അദ്ദേഹം മറികടന്നേക്കാം. അത്രയും സ്ഥിരതയോടെയാണ് അദ്ദേഹം ബാറ്റ് ചെയ്യുന്നത് .
ജാവേദ് പറഞ്ഞത് ഇങ്ങനെ “കോഹ്‌ലിയുടെ ബാറ്റിംഗ് അതിശയകരമാണ്. ഒരു സീസണിൽ അവൻ അത്ഭുതകരമാണെങ്കിൽ, മറ്റൊന്ന് ഒരു തകർച്ചയായിരിക്കാം. അവൻ ബാബർ അസമിനെപ്പോലെ സ്ഥിരത പുലർത്തുന്നില്ല, ”ജാവേദ് ഒരു യൂട്യൂബ് ചാനലായ ഇവന്റ്സ് & ഹാപ്പനിംഗ്സ് സ്പോർട്സിൽ പറഞ്ഞു.
2023 ഏകദിന ലോകകപ്പ് ഉടൻ വരാനിരിക്കെ, ബാബറിന്റെ ക്യാപ്റ്റൻസിയെയും നേതൃപാടവത്തെയും ജാവേദ് പ്രശംസിക്കുകയും മാർക്വീ ഇവന്റ് നേടാനുള്ള പാകിസ്ഥാന്റെ ഏറ്റവും മികച്ച അവസരമാണിതെന്ന് വിശ്വസിക്കുകയും ചെയ്തു.
ടീമിന്റെ കോംബിനേഷൻ അദ്ദേഹം അഭിനന്ദിക്കുകയും പാകിസ്ഥാൻ സ്ക്വാഡ് മികച്ചത് ആണെന്ന് പറയുകയും ചെയ്തു. ഇന്ത്യൻ സ്ക്വാഡ് വരും വർഷങ്ങളിൽ സൂപ്പർ താരങ്ങൾ വിരമിച്ചതിന് ശേഷം ബുദ്ധിമുട്ടുകൾ നേരിടുമെന്ന് പറയുകയും ചെയ്തു.