ഇപ്പോൾ നടന്ന ഐപിഎൽ മെഗാ താരലേലത്തിൽ ആരാധകർക്ക് ഏറ്റവും നിരാശയായ ബിഡുകളാണ് ആർസിബി മാനേജ്‌മന്റ് തിരഞ്ഞെടുത്തിരിക്കുന്നത്. ഓവർസീസ് ബാറ്റ്‌സ്മാൻമാരെ തിരഞ്ഞെടുക്കുന്നതിൽ മാനേജ്‌മന്റ് പരാജയപ്പെട്ടിരുന്നു. മാത്രമല്ല മെഗാ താരലേലത്തിൽ ഒന്നാം ദിനം ആർസിബി പ്രധാനപ്പെട്ട താരങ്ങളെ വിളിക്കാൻ ശ്രമിച്ചതേ ഇല്ല. അതിൽ വൻആരാധക രോക്ഷമാണ് നിലനിൽക്കുന്നത്.
അടുത്ത ഐപിഎലിൽ ക്യാപ്റ്റനായി വിരാട് കൊഹ്‌ലിയെ തന്നെ കൊണ്ട് വരും എന്ന് റൂമറുകൾ ഉയർന്നിരുന്നു. എന്നാൽ ഔദ്യോഗീകമായ സ്ഥിരീകരണം ആർസിബി മാനേജ്മെന്റിന്റെ ഭാഗത്ത് നിന്ന് ഉണ്ടായിട്ടില്ല. നിലവിലെ സ്‌ക്വാഡിൽ നിന്ന് ക്രുനാൽ പാണ്ഡ്യ നായകനായേക്കും എന്നാണ് ഇപ്പോൾ പുറത്ത് വരുന്ന റിപ്പോട്ടുകൾ സൂചിപ്പിക്കുന്നത്. മുൻപ് ലക്‌നൗ സൂപ്പർ ജയന്റ്സ് നായകനായ കെ എൽ രാഹുൽ പരിക്ക് മൂലം പുറത്തായപ്പോൾ നായക സ്ഥാനം ലഭിച്ചത് ക്രുനാൽ പാണ്ട്യയ്ക്ക് ആയിരുന്നു.
അത് കൊണ്ട് തന്നെ വിരാട് നായകനായില്ലെങ്കിൽ ആ സ്ഥാനം ലഭിക്കാൻ പോകുന്നത് ക്രുനാൽ പാണ്ട്യയ്ക്ക് തന്നെ ആണ്. ഇന്ത്യൻ ടി-20 ഫോർമാറ്റിൽ നിന്ന് വിരമിച്ചത് കൊണ്ട് അദ്ദേഹം ഇനി ഐപിഎലിൽ നായക സ്ഥാനം ഏറ്റെടുക്കാൻ ഉള്ള സാധ്യത വളരെ കുറവായിരിക്കും എന്നാണ് ഇപ്പോൾ പുറത്ത് വരുന്ന റിപ്പോട്ട്. എന്നാൽ ക്യാപ്റ്റൻ സ്ഥാനം ആര് ഏറ്റെടുക്കും എന്ന വിവരം വരും ദിവസങ്ങളിൽ അറിയാൻ സാധിക്കും എന്നാണ് കരുതപ്പെടുന്നത്.