ആയ കാലത്ത് ഇംഗ്‌ളീഷ് ക്രിക്കറ്റ് ടീമില്‍ കെവിന്‍ പീറ്റേഴ്‌സന്റെ ബാറ്റിന്റെ ചൂടറിഞ്ഞിട്ടുള്ളത് അനേകം ബൗളര്‍മാരാണ്. വര്‍ഷങ്ങള്‍ക്കിപ്പുറം ലെജന്റസ് ലീഗ് ക്രിക്കറ്റിലും താരം ബൗളര്‍മാരെ പഞ്ഞിക്കിടുകയാണ്. യുഎഇ യില്‍ നടന്ന എല്‍എല്‍സിയില്‍ വേള്‍ഡ് ജയന്റ്‌സിനെതിരേ താരം നടത്തിയത് വമ്പന്‍ പ്രകടനമായിരുന്നു.
ഒരു ഓവറില്‍ താരം 30 റണ്‍സ അടിക്കുന്നതിന്റെ വീഡിയോ സാമൂഹ്യ മാധ്യമത്തില്‍ വൈറലാണ്. 38 പന്തുകളില്‍ 86 റണ്‍സാണ് താരം അടിച്ചുകൂട്ടിയത്. ഒമ്പത് ഫോറും ഏഴു സിക്‌സറുകളുമാണ് താരം പറത്തിയത്. തന്റെ ഇന്നിംഗ്‌സിന്റെ വീഡിയോ പീറ്റേഴ്‌സന്‍ തന്നെയാണ് സാമൂഹ്യമാധ്യമത്തില്‍ പോസ്റ്റ് ചെയ്തത്. സമയമുണ്ടെങ്കില്‍ ഒരു മിനിറ്റ് നിന്ന് കഴിഞഞ് രാത്രിയിലെ കാര്യം കാണാന്‍ താരം ആവശ്യപ്പെടുന്നു.
കെവിന്‍ പീറ്റേഴ്‌സന്റെ തകര്‍പ്പന്‍ ഇന്നിംഗ്‌സിന് ആരാധകരുടെ അഭിനന്ദന പ്രവാഹവും ഉണ്ടായിരിക്കുകയാണ്. വിരമിക്കല്‍ മതിയാക്കി ഐപിഎല്ലിലേക്ക് മടങ്ങിവരൂ എന്നായിരുന്നു മുന്‍ ഇംഗ്‌ളണ്ട് ബാറ്റ്‌സ്മാന്‍ ശ്രീവത്സന്‍ ഗോസ്വാമി ഇട്ട കമന്റ്.
ഐപിഎല്ലില്‍ അഞ്ച് ഫ്രാഞ്ചൈസികള്‍ക്ക് വേണ്ടി കളിച്ചിട്ടുള്ള താരമാണ് കെവിന്‍ പീറ്റേഴ്‌സണ്‍. ഡെക്കന്‍ ചാര്‍ജ്ജേഴ്‌സിനൊപ്പം കളി തുടങ്ങിയ പീറ്റേഴ്‌സണ്‍ ഡല്‍ഹി ഡെയര്‍ ഡെവിള്‍സ്, റൈസിംഗ് പൂനേ സൂപ്പര്‍ജയന്റ്‌സ്, റോയല്‍ ചലഞ്ചേഴ്‌സ് ബാംഗ്‌ളൂര്‍, സണ്‍റൈസേഴ്‌സ് ഹൈദരാബാസ ടീമുകള്‍ക്ക് വേണ്ടി കളിച്ചിട്ടുള്ളയാളാണ്. 2018 ലാണ് താരം വിരമിച്ചത്.