ജസ്പ്രീത് ബുംറ- ഇന്ത്യൻ ക്രിക്കറ്റിലെ എന്നല്ല ലോക ക്രിക്കറ്റിലെ ഏറ്റവും മികച്ച താരങ്ങളിൽ ഒരാളായ ജസ്പ്രീത് ബുംറ ക്രിക്കറ്റ് ലോകത്ത് അത്ഭുതങ്ങൾ കാണിക്കുന്ന കാഴ്ചയാണ് കാണാൻ സാധിക്കുന്നത്. ഓസ്‌ട്രേലിയക്ക് എതിരായ ആദ്യ ടെസ്റ്റിലെ 5 വിക്കറ്റ് പ്രകടനത്തോടെ ബുംറ ഒരു കാര്യം ക്രിക്കറ്റ് ലോകത്തോട് പറയാതെ പറഞ്ഞിരിക്കുകയാണ്- നെവർ ഇവർ അണ്ടർസ്റ്റിമേറ്റ് എ ക്ലാസ് ആക്റ്റ്.
സമീപകാലത്ത് ഇന്ത്യ നേടിയ വലിയ വിജയങ്ങളിൽ എല്ലാം മികവ് കാണിച്ച ബുംറ കിവീസിനെതിരായ പരമ്പരയിൽ തന്റെ മികവിലേക്ക് എത്താതിരുന്നപ്പോൾ ചിലർ എങ്കിലും അദ്ദേഹത്തെ പുച്ഛിച്ചു. എന്നാൽ ഓസ്‌ട്രേലിയക്ക് എതിരായ ആദ്യ ടെസ്റ്റിൽ നായകന്റെ അമിത ഉത്തരവാദിത്വം കൂടി ഏറ്റെടുത്ത ബുംറ തന്റെ 11 ആം 5 വിക്കറ്റ് പ്രകടനത്തോടെയാണ് തിളങ്ങിയത്.
ആദ്യ ഇന്നിങ്സിൽ 150 റൺസിന് ഇന്ത്യ പുറത്തായപ്പോൾ അവിടെ പെട്ടെന്നുള്ള പതനമാണ് പ്രതീക്ഷിച്ചത് എങ്കിൽ മറുപടിയിൽ അതിന്റെ ഇരട്ടി ഡോസിൽ ബുംറ ഓസ്‌ട്രേലിയക്ക് കൊടുത്തു. തുടക്കം മുതൽ നല്ല ലെങ്ങ്തിലും ലൈനിലും പന്തെറിഞ്ഞ ബുംറ ഓസ്‌ട്രേലിയയെ കുഴക്കി. ഇത് കൂടാതെ കൃത്യമായ ഫീൽഡ് പ്ലേസ്‌മെന്റുകളും നല്ല ബോളിങ് മാറ്റങ്ങളും വരുത്തി ബൂം തിളങ്ങി.
ടെസ്റ്റ് ക്രിക്കറ്റിൽ ജസ്പ്രീത് ബുംറയുടെ ബൗളിംഗ് ശരാശരി:
വെസ്റ്റ് ഇൻഡീസിൽ – 9.23
ഇന്ത്യയിൽ – 17.19
ദക്ഷിണാഫ്രിക്കയിൽ – 20.76
ഓസ്ട്രേലിയയിൽ – 19.18
ഇംഗ്ലണ്ടിൽ – 26.27
ന്യൂസിലൻഡിൽ – 31.66
ഇതിൽ ഓസ്ട്രേലിയയിൽ ഓസ്‌ട്രേലിയൻ ബോളർമാർക്ക് പോലും ഇല്ലാത്ത അത്ര നല്ല കണക്കിലാണ് ബുംറക്ക് അവകാശപ്പെടാൻ ഉള്ളത്. എന്തായാലും ഈ താരം ശരിക്കുമൊരു അത്ഭുതം തന്നെയാണ് ആരാധകർ പറയുന്നത്.
