2024ലെ ഐസിസി ടി20 ലോകകപ്പിൽ ഇൻ്റർനാഷണൽ ക്രിക്കറ്റ് കൗൺസിൽ (ഐസിസി) ഇന്ത്യയെ ജയിപ്പിക്കാൻ വേണ്ടി നടത്തുന്ന ഒരു ടൂർണമെന്റ് ആണെന്ന് മുൻ ഇംഗ്ലണ്ട് ക്യാപ്റ്റൻ മൈക്കൽ വോൺ ആരോപിച്ചു. അദ്ദേഹത്തിൻ്റെ അഭിപ്രായത്തിൽ, ഇന്ത്യയും ജോസ് ബട്ട്‌ലറുടെ നേതൃത്വത്തിലുള്ള ടീമും തമ്മിലായിരുന്നു ആദ്യ സെമി ഫൈനൽ നടക്കേണ്ടിയിരുന്നത്. എന്നാൽ ഇന്ത്യക്ക് യോജിച്ച വിധത്തിൽ അപെക്സ് ബോഡി ഷെഡ്യൂൾ തയ്യാറാക്കി.
ദക്ഷിണാഫ്രിക്കയും അഫ്ഗാനിസ്ഥാനും തമ്മിൽ നടന്ന ആദ്യ നോക്കൗട്ട് മത്സരം പകൽ-രാത്രി മത്സരമായിരുന്നു. മറുവശത്ത്, ഇന്ത്യ ടൂർണമെൻ്റിൽ ഒരു ഡേ-നൈറ്റ് മത്സരം പോലും കളിച്ചിട്ടില്ല. എക്‌സിൽ അദ്ദേഹം പറഞ്ഞത് ഇങ്ങനെ “തീർച്ചയായും ഈ സെമി( സൗത്താഫ്രിക്ക- അഫ്ഗാനിസ്ഥാൻ) ഗയാനയായിരിക്കണമായിരുന്നു .. എന്നാൽ മുഴുവൻ പരിപാടിയും ഇന്ത്യയെ ലക്ഷ്യമാക്കിയുള്ളതിനാൽ ഇത് മറ്റുള്ളവരോട് വളരെ അനീതിയാണ ഐസിസി കാണിക്കുന്നത്” അദ്ദേഹം എഴുതി.
ലോകകപ്പിൽ ഇന്ത്യ തോൽവി അറിഞ്ഞിട്ടില്ല. ഗ്രൂപ്പ് ഘട്ടത്തിൽ അവർ അയർലൻഡ്, പാകിസ്ഥാൻ, യുഎസ്എ എന്നിവരെ പരാജയപ്പെടുത്തി. കാനഡയ്‌ക്കെതിരായ ടീം ഇന്ത്യയുടെ മത്സരം മഴ മൂലം ഉപേക്ഷിച്ചു. രണ്ടാം റൗണ്ടിൽ അഫ്ഗാനിസ്ഥാൻ, ബംഗ്ലാദേശ്, ഓസ്‌ട്രേലിയ എന്നീ ടീമുകളെ തോൽപ്പിച്ചാണ് രോഹിത് ശർമ്മയുടെ ടീം സെമിഫൈനലിന് യോഗ്യത നേടിയത്.
Read more
സ്കോട്ട്ലൻഡിനെതിരായ ഇംഗ്ലണ്ടിൻ്റെ ആദ്യ മത്സരം മഴ മൂലം ഉപേക്ഷിച്ചിരുന്നു. ഓസ്‌ട്രേലിയയോട് തോറ്റെങ്കിലും നമീബിയയെയും ഒമാനെയും മറികടന്ന് സൂപ്പർ 8 സ്റ്റേജിൽ സ്ഥാനം പിടിക്കാൻ അവർക്ക് കഴിഞ്ഞു. ശേഷം സൗത്താഫ്രിക്കയോട് തോറ്റെങ്കിലും വെസ്റ്റ് ഇൻഡീസ്, അമേരിക്ക ടീമുകളെ തകർത്തെറിഞ്ഞ് ഇംഗ്ലണ്ട് സെമിയിൽ എത്തുക ആയിരുന്നു.
