ഐ.പി.എല്ലില്‍ തന്നെ ആരും സ്വന്തമാക്കാതിരുന്നത് നന്നായെന്ന് ഓസീസ് താരം മാര്‍നസ് ലബുഷെയ്ന്‍. ഇന്ത്യയില്‍ കോവിഡ് വഷളാകുന്ന സാഹചര്യം മുന്‍നിര്‍ത്തിയാണ് ലബുഷെയ്‌നിന്റെ തുറന്നുപറച്ചില്‍.
“ഞാന്‍ ഐ.പി.എല്‍ കളിക്കാന്‍ വരാതിരുന്നത് നന്നായെന്ന് തോന്നുന്നു. അതിലൂടെ എനിക്ക് ഷെഫീല്‍ഡ് ഷീല്‍ഡ് ജയിക്കാനായി. പിന്നെ ഇന്ത്യയിലെ ഇപ്പോഴത്തെ സാഹചര്യവും നോക്കൂ. ഇന്ത്യയിലുള്ള ഓസീസ് കളിക്കാരെ കുറിച്ചോര്‍ത്ത് എനിക്ക് വിഷമമുണ്ട്.”
“എന്നാല്‍ ഇന്ത്യയില്‍ സുരക്ഷിതത്വമില്ലായ്മ അനുഭവിക്കുന്നവരല്ല എല്ലാവരും. അവര്‍ സുരക്ഷിതരായി ഇന്ത്യയില്‍ തുടരുമെന്നും ഐപിഎല്ലിന് ശേഷം സുരക്ഷിതരായി നാട്ടിലേക്ക് എത്തുമെന്നും പ്രതീക്ഷിക്കുന്നു” ലബുഷെയ്ന്‍ പറഞ്ഞു.
2021 സീസണിന് മുമ്പായി നടന്ന മിനിതാര ലേലത്തില്‍ ലബുഷെയ്‌നിന്റെ പേരും എത്തിയിരുന്നു. എന്നാല്‍ ഒരു കോടി രൂപ അടിസ്ഥാന വിലയായിരുന്ന താരത്തെ സ്വന്തമാക്കാന്‍ ഒരു ഫ്രാഞ്ചൈസിയും മുന്നോട്ടുവന്നില്ല.