ദക്ഷിണാഫ്രിക്കയിലെ രണ്ടാം ടെസ്റ്റില് തോല്വിയ്ക്കരികിലാണ് ഇന്ത്യ. ദക്ഷിണാഫ്രിക്കയെ 258 റണ്സിനു എറിഞ്ഞിട്ട് 287 റണ്സ് വിജയലക്ഷ്യം തേടി ഇറങ്ങിയ ഇന്ത്യയ്ക്ക് പക്ഷെ പ്രതീക്ഷിക്കുന്ന പോലെയായിരുന്നില്ല കാര്യങ്ങള്.
ഓപ്പണര്മാരായ മുരളി വിജയ ലോകേഷ് രാഹുല് എന്നിവരെ കൂടാതെ നായകന് വിരാട് കോഹ്ലിയും ദക്ഷിണാഫ്രിക്കന് പേസര്മാര്ക്കുമുന്നില് അടിയറവ് പറയുകയായിരുന്നു. ലുംഗിസാനി ഗിഡിയും റബാഡയും ചേര്ന്ന് മൂന്ന് മുന് നിര ഇന്ത്യന് വിക്കറ്റുകളാണ് നാലം ദിവസത്തിന്റെ അവസാനത്തോടെ എറിഞ്ഞിട്ടത്.
എന്നാല് അടിപതറുമ്പോഴും സ്വന്തം കുറിവുകളെ കുറിച്ചല്ല ഇന്ത്യന് ടീമിന്റെ ആശങ്ക. അതിന് തെളിവാണ് ഇന്ത്യന് പേസര് മുഹമ്മദ് ഷമ്മിയുടെ വാക്കുകള്.
പിച്ചിനെതിരെ രൂക്ഷ വിമര്ശനമാണ് മുഹമ്മദ് ഷമ്മി ഉന്നയിക്കുന്നത്. “എന്തുകൊണ്ടാണ് ദക്ഷിണാഫ്രിക്ക ഇങ്ങനൊരു പിച്ച് ഉണ്ടാക്കിയത് എന്നറിയില്ല. ഇത്രയും വേഗതകുറഞ്ഞ ബൗണ്സിനെ തുണയ്ക്കാത്ത പിച്ച് ഇതുവരെ കണ്ടിട്ടില്ല എന്നാണ് ഷമി പറഞ്ഞത്.
അതെസമയം പിച്ച് മോശമാണെങ്കിലും രണ്ട് ടീമുകള്ക്കും സാധ്യത ഒരുപോലെയാണെന്നും ഇന്ത്യയെ സംബന്ധിച്ച് ജയിക്കാനായി മാത്രമായിരിക്കും അവസാന ദിവസം ഇറങ്ങുകയെന്നും ഷമ്മി വ്യക്തമാക്കി.
Read more
കളിയുടെ ആദ്യ ദിവസം മുതല് വിക്കറ്റ് സ്ലോ ആണ്. അതുകൊണ്ട് തന്നെ ഞങ്ങള്ക്ക് ജോലി കൂടുതലാണ്. കളിക്കുവേണ്ടി ഞങ്ങളുടെ 110 ശതമാനം വരെ സമര്പ്പിക്കുകയാണ്. ഷമ്മി പറഞ്ഞു. ദക്ഷിണാഫ്രിക്കയുടെ രണ്ടാം ഇന്നിങ്സില് നാല് വിക്കറ്റാണ് ഷമ്മി സ്വന്തമാക്കിയത്.