രോഹിത് ശർമ്മ ഈ ഇന്ത്യൻ പ്രീമിയർ ലീഗിൽ ഇതുവരെ തന്റെ മികച്ച ഫോമിലേക്ക് എത്തിയിട്ടില്ല . 2025 ലെ ഐപിഎല്ലിൽ ഇതുവരെ താളം കണ്ടെത്താൻ അദ്ദേഹത്തിന് ആയിട്ടില്ല. അഞ്ച് തവണ ചാമ്പ്യന്മാരായ ടീമിന് ഈ വലംകൈയ്യൻ ബാറ്റ്സ്മാൻ ഒരു ബാധ്യതയായി മാറിയിരിക്കുന്നു, എന്ന് അവസാന മത്സരങ്ങൾ കാണുമ്പോൾ നമുക്ക് മനസിലാകും. മുംബൈ ഇംപാക്ട് സബ് ആയി ഉപയോഗിക്കുന്ന അദ്ദേഹത്തിന് സീസണിൽ കുറച്ച് മത്സരങ്ങളിൽ നല്ല തുടക്കം ലഭിച്ചിട്ടുണ്ടെങ്കിലും ഇതുവരെ 30 റൺസ് പോലും നേടാൻ ആയിട്ടില്ല.
സൺറൈസേഴ്‌സ് ഹൈദരാബാദിനെതിരായ മത്സരത്തിൽ വാങ്കഡെ സ്റ്റേഡിയത്തിൽ 16 പന്തിൽ നിന്ന് മൂന്ന് സിക്‌സറുകളുടെ സഹായത്തോടെ 26 റൺസ് അദ്ദേഹം നേടി. ആരാധകർ അദ്ദേഹത്തിന്റെ മികച്ച ഒരു ഇന്നിംഗ്സ് പ്രതീക്ഷിച്ചപ്പോൾ കമ്മിൻസ് എറിഞ്ഞ ഫുൾ ടോസിൽ അദ്ദേഹം പുറത്താക്കുക ആയിരുന്നു. വളരെ സാധാരണ ഒരു ഫുൾ ടോസ് പോലും രോഹിത്തിന് കളിക്കാൻ പറ്റുന്നില്ല എന്നാണ് ആരാധകർ പറയുന്നു . വൈറ്റ്-ബോൾ ക്രിക്കറ്റിലെ ഏറ്റവും മികച്ച ക്രിക്കറ്റ് കളിക്കാരിൽ ഒരാളായ രോഹിത്തിന് എന്താണ് സംഭവിക്കുന്നത് എന്നും അദ്ദേഹത്തിന്റെ ഫോമിൽ സങ്കടം ഉണ്ടെന്നും പറയുകയാണ് മുഹമ്മാദ് കൈഫ്.
ഓപ്പണറുടെ ദീർഘകാല ആരാധകനായ മുഹമ്മദ് കൈഫ് വാക്കുകളില്ലാതെ കുഴങ്ങി. രോഹിത് പുറത്തായ രീതി അദ്ദേഹത്തിന് ഉൾക്കൊള്ളാൻ കഴിഞ്ഞില്ല. “എന്ത് പറയണമെന്ന് എനിക്കറിയില്ല. അവൻ ഇപ്പോൾ ഫുൾ ടോസിൽ പുറത്താകുന്നു. സഹോദരാ, എന്താണ് സംഭവിക്കുന്നത്. ഇന്നിംഗ്സിന്റെ തുടക്കത്തിൽ തന്നെ അവൻ പതറി. പക്ഷേ മൂന്ന് സിക്സ് അടിച്ചു. രോഹിത് നിയന്ത്രണത്തിലാണെന്ന് തോന്നിയപ്പോൾ അവൻ ഫുൾടോസിൽ പുറത്തായി. അത് സങ്കടം ഉണ്ടാക്കി. ” മുഹമ്മദ് കൈഫ് സ്റ്റാർ സ്പോർട്സിൽ പറഞ്ഞു.
അതേസമയം 0, 8, 13, 17 , 18 , 26 എന്നിങ്ങനെ സ്‌കോറുകൾ നേടി സീസണിലെ ഓരോ മത്സരത്തിലും അദ്ദേഹം കാണിക്കുന്നത് പുരോഗതി ആണെന്ന് പറഞ്ഞ് ആരാധകർ ട്രോളുകളുമായി എത്തുന്നുണ്ട്.
Read more
