വ്യാഴാഴ്ച അനന്തപുരിൽ നടന്ന 2024 ദുലീപ് ട്രോഫിയുടെ രണ്ടാം റൗണ്ടിൽ റിയാൻ പരാഗിനെ പുറത്താക്കിയതിന് ശേഷം ഇടംകൈയ്യൻ സീമർ അർഷ്ദീപ് സിംഗ് നടത്തിയ കലിപ്പൻ ആഘോഷം വൈറലായിരിക്കുകയാണ്. സ്ലിപ്പിലെ മനോഹര ക്യാച്ചിന്റെ അവസാനമാണ് താരം പുറത്തായത്. at
ബോളിങ് റിഥം കിട്ടാൻ പാടുപെട്ട അർഷ്ദീപിനെതിരെ പരാഗ് മിന്നുന്ന ബാറ്റിംഗ് പുറത്തെടുക്കുകയായിരുന്നു. മത്സരത്തിൻ്റെ ആദ്യ 45 മിനിറ്റുകൾ പിന്നിടുമ്പോൾ ഇന്ത്യ ‘എ’ രണ്ട് വിക്കറ്റ് നഷ്ടത്തിൽ നിന്ന സമയത്താണ് പരാഗ് ക്രീസിൽ എത്തിയത്. അർശ്ദീപിന് എതിരെ നാല് പന്തിൽ മൂന്ന് ബൗണ്ടറികൾ പറത്തി പരാഗ് പെട്ടെന്നുതന്നെ സമ്മർദ്ദം മറുടീമിലേക്ക് എത്തിക്കുക ആയിരുന്നു.
17-ാം ഓവറിലെ രണ്ടാം പന്തിൽ മറ്റൊരു ബൗണ്ടറിയും അടിച്ചു. അവസാന പന്തിൽ, അർഷ്ദീപ് എറിഞ്ഞ ഫുൾ ആൻ്റ് വൈഡ് പന്തിന് ബാറ്റുവെച്ച പരാഗിന് പിഴക്കുക ആയിരുന്നു. മികച്ച ഒരു ഡൈവിംഗ് ക്യാച്ച് പൂർത്തിയാക്കിയത് ശ്രേയസ് അയ്യർ ആയിരുന്നു. ആദ്യ 10 ഓവറുകൾക്ക് ശേഷം മാത്രമാണ് അർശ്ദീപിന് പന്തെറിയാൻ അവസരം കിട്ടിയത് എന്നതും ശ്രദ്ധിക്കണം. ഇതിനാൽ തന്നെ താരത്തിന് സ്വിങ് കിട്ടിയിരുന്നില്ല.
നന്നായി തുടങ്ങിയ റിയാൻ പരാഗ് ആകട്ടെ 29 പന്തിൽ 37 റൺസ് ആണ് എടുത്തിരിക്കുന്നത്. ഇന്ത്യ എ ആകട്ടെ നിലവിൽ 147 – 6 എന്ന നിലയിലാണ് ഇന്ത്യ ഡിക്ക് എതിരെ നില്കുന്നത്.
https://x.com/CRICUUU/status/1834097214324371463
Arshdeep Singh gave Riyan Parag a fiery send-off after ending the latter’s counter-attacking knock in the Duleep Trophy clash in Anantapurhttps://t.co/WLEbBZPrs6
— News18 CricketNext (@cricketnext) September 12, 2024
Read more
