മുംബൈ ഇന്ത്യൻസിനോട് ആറ് വിക്കറ്റിന്റെ തോൽവി ഏറ്റുവാങ്ങിയതിന് ശേഷം, റോയൽ ചലഞ്ചേഴ്‌സ് ബാംഗ്ലൂർ ഹെഡ് കോച്ച് സഞ്ജയ് ബംഗാർ പറയുന്നത് അനുസരിച്ച് ടീമിലെ യുവതാരങ്ങൾ പ്രത്യേകിച്ച് ഇതുവരെ ഇന്ത്യക്കായി കളിക്കാൻ അവസരങ്ങൾ കിട്ടാത്ത താരങ്ങൾ അവസരങ്ങൾ നന്നായി ഉപയോഗിച്ചിട്ടില്ല എന്നാണ്. ടീമിന്റെ മോശം പ്രകടനങ്ങൾക്ക് കാരണവും ഇത് തന്നെയാണെന്നും പരിശീലകൻ വിശ്വസിക്കുന്നു.
ചൊവ്വാഴ്ച മുംബൈക്കെതിരെ നടന്ന മത്സരത്തിൽ ഗ്ലെൻ മാക്‌സ്‌വെല്ലിന്റെ 68, ക്യാപ്റ്റൻ ഫാഫ് ഡു പ്ലെസിസിന്റെ 65, ദിനേഷ് കാർത്തിക്കിന്റെ 18 പന്തിൽ 30 എന്നിവ ഒഴികെ, ഇന്ത്യൻ ബാറ്റ്‌സ്മാന്മാർ ആരും അവസരത്തിനൊത്ത് ഉയർന്നില്ല എന്നത് ശ്രദ്ധിക്കേണ്ട കാര്യമാണ്. ബാംഗ്ലൂർ 16.3 ഓവറിൽ മുംബൈ 199/6 എന്ന സ്‌കോറെടുത്തപ്പോൾ ഒരു ബുദ്ധിമുട്ടും ഇല്ലാതെ മുംബൈ 21 പന്തുകളും 6 വിക്കറ്റുകളും ബാക്കി നിൽക്കെ ലക്‌ഷ്യം മറികടന്നു.
“ഞങ്ങളെ സംബന്ധിച്ചിടത്തോളം, ടീം കെട്ടിപ്പടുത്തത് അങ്ങനെയാണ് (ഗ്ലെൻ) മാക്സ്വെൽ, ഫാഫ് (ഡു പ്ലെസിസ്), വിരാട് (കോഹ്ലി), ദിനേഷ് (കാർത്തിക്) എന്നിവർ ബാറ്റിങ്ങിലെ പ്രധാനികൾ. യുവ കളിക്കാർ അവർക്കും ചുറ്റും കളിക്കും.”
“അവർ അവസരങ്ങൾ നന്നായി ഉപയോഗിക്കുന്നുണ്ട് , മഹിപാൽ ലോംറോർ തന്റെ അവസരങ്ങൾ നന്നായി ഉപയോഗിച്ചു, എന്നാൽ അനൂജ് റാവത്തിനെപ്പോലെയോ ഷഹബാസ് അഹമ്മദിനെപ്പോലെയോ ഉള്ള താരങ്ങൾക്ക് ആ അവസരങ്ങൾ ലഭിച്ചപ്പോഴെല്ലാം നിർഭാഗ്യവശാൽ അവ മുതലെടുക്കാൻ കഴിഞ്ഞില്ല,” മത്സരത്തിന് ശേഷമുള്ള പത്രസമ്മേളനത്തിൽ ബംഗാർ പറഞ്ഞു.
റിങ്കു സിങ്ങിന്റെ ഉദാഹരണം ഉദ്ധരിച്ച് യുവ ബാറ്റർമാരിൽ നിന്ന് സ്ഥിരതയാർന്ന പ്രകടനം പുറത്തെടുക്കാൻ ടീം ക്ഷമയോടെ കാത്തിരിക്കണമെന്ന് മുൻ ഇന്ത്യൻ ബാറ്റിംഗ് പരിശീലകനായ ബംഗാർ കരുതുന്നു. “അതാണ് പഠനം, നിങ്ങൾ യുവാക്കളോട് ക്ഷമ കാണിക്കണം, അവർ അവരുടെ അവസരങ്ങൾ പ്രയോജനപ്പെടുത്തുമെന്നും ടീമിനായി മാച്ച് വിന്നിംഗ് പ്രകടനങ്ങൾ പുറത്തെടുക്കുമെന്നും പ്രതീക്ഷിക്കുകയാണ് ഞങ്ങൾ എല്ലാം.”ബംഗാർ പറഞ്ഞു.
ഇനിയുള്ള എല്ലാ മത്സരങ്ങളിലും മികച്ച ജയം നടത്തിയാൽ മാത്രമേ ബാംഗ്ലൂരിന് പ്ലേ ഓഫിൽ എത്താൻ സാധിക്കു എന്നുറപ്പാണ്.