രാജസ്ഥാൻ റോയൽസിൻ്റെ ഐപിഎൽ 2024ൽ ഡൽഹി ക്യാപിറ്റൽസിനെതിരായ മത്സരത്തിൽ സഞ്ജു സാംസൺ ബൗളർമാരെ ഫലത്തിൽ പ്രതിരോധമില്ലാത്തവരാക്കിയെന്ന് ഇർഫാൻ പത്താൻ പറഞ്ഞു. ഗ്രൗണ്ടിന് ചുറ്റും സഞ്ജു നടത്തിയ അതിമനോഹരമായ സ്ട്രോക്ക് പ്ലേയേ ഇർഫാൻ അഭിനന്ദിച്ചു.
ചൊവ്വാഴ്ച ഡൽഹിയിൽ ക്യാപിറ്റൽസ് റോയൽസിന് 222 റൺസ് വിജയലക്ഷ്യം വെച്ചു. സാംസൺ 46 പന്തിൽ 86 റൺസ് അടിച്ചെടുത്തെങ്കിലും, ആതിഥേയർ 20 റൺസിന് കളി ജയിച്ച് പോയിൻ്റ് പട്ടികയിൽ അഞ്ചാം സ്ഥാനത്തേക്ക് കയറി. സ്റ്റാർ സ്‌പോർട്‌സിൽ ഗെയിം അവലോകനം ചെയ്‌ത പത്താൻ, ബോളർമാർ അടിച്ചോടിച്ച ഇന്നിംഗ്സ് കളിച്ച താരത്തെക്കുറിച്ച് പറഞ്ഞത് ഇങ്ങനെയാണ്:
“അവൻ വിക്കറ്റുകൾക്ക് മുന്നിൽ വലിയ ഷോട്ടുകൾ കളിക്കുന്നു, അത് ലോംഗ്-ഓഫ്, ലോംഗ്-ഓൺ അല്ലെങ്കിൽ മിഡ് വിക്കറ്റ് എന്നില്ല. എന്നാൽ സ്ക്വയറിനു പിന്നിൽ അവൻ റൺസ് നേടുന്നതും നിങ്ങൾ കാണും. അവൻ ലാപ് ഷോട്ട് കളിക്കില്ല, പക്ഷേ നാല് ദിശകളിലും റൺസ് നേടുന്നു .” അദ്ദേഹം പറഞ്ഞു.
“ഖലീൽ അഹമ്മദ് ഒരു പെർഫെക്ട് യോർക്കർ എറിഞ്ഞു, ഒരു ബൗളർ എന്ന നിലയിൽ തനിക്ക് കഴിയുന്നതെല്ലാം ചെയ്തു, പക്ഷേ അവൻ (സാംസൺ) അത് ഫോറിന് സ്ലൈസ് ചെയ്തു. ബൗളർമാർക്ക് എന്ത് ചെയ്യാൻ കഴിയും? അവൻ അത്തരത്തിലുള്ള ഫോമിലാണ്. അവൻ ബൗളർമാരെ തീർത്തും ആയുധരഹിതമാക്കുന്നു. ബൗളർമാരുടെ മനോവീര്യം നഷ്‌ടപ്പെടുത്തുന്നു, അദ്ദേഹം നന്നായി ബാറ്റ് ചെയ്യുന്നു, അത് കാണാൻ ആസ്വാദ്യകരമാണ്,” മുൻ ഇന്ത്യൻ ഓൾറൗണ്ടർ കൂട്ടിച്ചേർത്തു.
Read more
86 റൺസെടുത്ത സാംസൺ എട്ട് ഫോറും ആറ് സിക്സും പറത്തി. റോയൽസിൻ്റെ മറ്റ് കളിക്കാർക്കൊന്നും 30 പോലും എത്താൻ കഴിയാത്തതിനാൽ അദ്ദേഹം ഫലത്തിൽ ഏക പോരാളിയായിരുന്നു.
