മെഗാലേലത്തില്‍ ഒരു ടീമും മുമ്പോട്ട് വരാതിരുന്നതിനെ തുടര്‍ന്ന അണ്‍സോള്‍ഡായ ഓസ്‌ട്രേലിയന്‍ താരങ്ങള്‍ കെയ്ന്‍ റിചാര്‍ഡ്‌സണും ആദം സാംപയ്ക്കും കഴിഞ്ഞ ഐപിഎല്ലില്‍ കളിക്കാതിരുന്നതില്‍ ഖേദം. ഇത്തവണ തങ്ങള്‍ക്കായി ഒരു ഫ്രാഞ്ചൈസിയും വരാതിരുന്നതിന് കാരണമായി ഇവര്‍ കരുതുന്നത് കഴിഞ്ഞ സീസണിലെ അഭാവമായിരിക്കാമെന്നാണ്.
കെയ്ന്‍ റിച്ചാര്‍ഡ്‌സണെയും ആദം സാംപയേയും കഴിഞ്ഞതവണ വന്‍തുക മുടക്കി റോയല്‍ ചലഞ്ചേഴ്‌സ് ബാംഗ്‌ളൂര്‍ ടീമിലെടുത്തിരുന്നു. എന്നാല്‍ ഇരുവരും ഇന്ത്യയില്‍ കോവിഡ് രണ്ടാം തരംഗത്തില്‍ ആയിരുന്നതിനാല്‍ പി്ന്മാറുകയും ചെയ്തിരുന്നു. കഴിഞ്ഞ ഐപിഎല്ലില്‍ കളിക്കാതിരുന്നതാകാം ഇത്തവണ അണ്‍സോള്‍ഡാകാന്‍ കാരണമെന്നാണ് താരം പറയുന്നത്.
2020 ലും ഐപിഎല്ലില്‍ റിച്ചാര്‍ഡ്‌സണ്‍ കളിച്ചിരുന്നില്ല. കുഞ്ഞുണ്ടാകാന്‍ പോകുന്ന സാഹചര്യം മുന്‍ നിര്‍ത്തിയായിരുന്നു താരം വിട്ടു നിന്നത്. തുടര്‍ച്ചയായി രണ്ടു തവണ വിട്ടുനിന്നതാകാം തനിക്ക് തിരിച്ചടിയയാതെന്നും പറഞ്ഞു. എന്നാല്‍ സാംപ ലേലത്തില്‍ അണ്‍സോള്‍ഡായത് റിച്ചാര്‍ഡ്‌സണെ അമ്പരപ്പിച്ചിട്ടുണ്ട്. കഴിഞ്ഞവര്‍ഷം നടന്ന ട്വന്റി20 ലോകകപ്പില്‍ വലിയ റണ്‍നേട്ടം ഉണ്ടാക്കിയ താരമായിരുന്നു സാംപയ്ക്കായി ആരും വന്നില്ല.