ലോകകപ്പില്‍ ഇന്ത്യയുടെ നാലാം നമ്പരില്‍ ആര് ഇറങ്ങണമെന്ന് സംബന്ധിച്ച് നിര്‍ണ്ണായക നിര്‍ദേശം പങ്കുവെച്ച് പാകിസ്ഥാന്‍ മുന്‍ സ്പിന്നര്‍ ഡാനിഷ് കനേരിയ. കെ.എല്‍ രാഹുലിനെയും ശ്രേയസ് അയ്യരെയും മറികടന്ന് ഇഷാന്‍ കിഷനെയാണ് കനേരിയ നാലാം നമ്പരിലേക്ക് നിര്‍ദ്ദേശിച്ചത്.
നാലാം നമ്പറില്‍ ആര് വേണമെന്നത് ഇപ്പോഴും ഇന്ത്യക്ക് മുന്നിലുള്ള ചോദ്യമാണ്. ശ്രേയസ് അയ്യര്‍, ഇഷാന്‍ കിഷന്‍ എന്നിവര്‍ തമ്മിലാണ് ഈ സ്ഥാനത്തിനായി പോരടിക്കുന്നത്.
ഞാന്‍ കരുതുന്നത് ഇന്ത്യ ഇഷാന്‍ കിഷനൊപ്പം മുന്നോട്ട് പോകുമെന്നാണ്. കാരണം ഇടം കൈയന്‍ ബാറ്റ്സ്മാനാണവന്‍. ഇഷാനാണ് ഇന്ത്യക്ക് നാലാം നമ്പറില്‍ ഏറ്റവും അനുയോജ്യനായ താരം- കനേരിയ പറഞ്ഞു.
ഇന്ത്യ നേരിടുന്ന പ്രധാന പ്രശ്നങ്ങളിലൊന്നാണ് നാലാം നമ്പറില്‍ ആര് ബാറ്റു ചെയ്യണമെന്നത്. എന്നിരുന്നാലും നാലാം നമ്പറില്‍ കെ എല്‍ രാഹുലിനെ കളിപ്പിക്കാനാണ് സാധ്യത. അഞ്ചാം നമ്പറില്‍ ഇഷാനും എത്തുമ്പോള്‍ ശ്രേയസ് പുറത്തിരിക്കാനാണ് സാധ്യത.