2024ലെ ഐസിസി ടി20 ലോകകപ്പിൽ അയർലൻഡിനെതിരെ ഋഷഭ് പന്തിൻ്റെ മാച്ച് വിന്നിംഗ് സിക്സ് ഉർവ്വശി റൗട്ടേല എഐ സാങ്കേതിക വിദ്യ ഉപയോഗിച്ച് പുനഃരാവിഷ്കരിച്ചിരിക്കുകയാണ്. വിഡിയോയിൽ പന്തിന് പകരം ഉർവശി റൗട്ടേല സാങ്കേതിക വിദ്യയുടെ സഹായത്തിൽ ഒരു ക്രിക്കറ്റർ ആയി സിക്സ് അടിക്കുന്നത് കാണാൻ സാധിക്കും.
പന്ത് ആ പോരാട്ടത്തിൽ 26 പന്തിൽ രണ്ട് സിക്സും മൂന്ന് ഫോറും സഹിതം 36 റൺസുമായി പുറത്താകാതെ നിന്നു. മത്സരത്തിൽ ഇന്ത്യ എട്ട് വിക്കറ്റിന് വിജയിച്ചു. ഓഗസ്റ്റ് 10 ന് ബോളിവുഡ് നടി പങ്കിട്ട ക്ലിപ്പിൽ, അവർ ഓറഞ്ച് വസ്ത്രം ധരിച്ചാണ് നിൽക്കുന്നത്. വീഡിയോ സൃഷ്ടിക്കാൻ എഐ ഉപയോഗിച്ചു.
റൗട്ടേലയും പന്തും തമ്മിൽ 2018-ൽ ബന്ധമുണ്ടെന്ന് കിംവദന്തികൾ പരന്നിരുന്നു. എന്നിരുന്നാലും, ഇരുവരും ആ ബന്ധം മുന്നോട്ട് പോയില്ല. അവർ പരസ്പരം വാട്ട്‌സ്ആപ്പിൽ ബ്ലോക്ക് ചെയ്തു. 2019ൽ പന്ത് തൻ്റെ കാമുകി ഇഷ നേഗിയോടൊപ്പമുള്ള ഒരു ചിത്രം പങ്കിട്ടു. 2022ൽ ഉർവശി വിവാദങ്ങൾക്ക് എല്ലാം പന്തിനോട് മാപ്പ് പറഞ്ഞു.
അതേസമയം ശ്രീലങ്കൻ പര്യടനത്തിനിടെയാണ് ഋഷഭ് പന്ത് അവസാനമായി കളിച്ചത്. ആദ്യ ടി20യിൽ 33 പന്തിൽ 49 റൺസാണ് അദ്ദേഹം നേടിയത്. മത്സരത്തിൽ 43 റൺസിന് സന്ദർശകർ വിജയിച്ചു. എന്നിരുന്നാലും ഏകദിന പരമ്പരയിൽ താരം നിരാശപെടുത്തിയിരുന്നു.
സെപ്റ്റംബറിൽ ബംഗ്ലാദേശിനെതിരായ രണ്ട് മത്സരങ്ങളുടെ ടെസ്റ്റ് പരമ്പരയിലാണ് പന്ത് അടുത്തതായി കളിക്കുക.
