ഇന്ത്യന്‍ വിക്കറ്റ് കീപ്പര്‍ ഋഷഭ് പന്ത് കളിക്കളത്തിലെ തമാശ നിമിഷങ്ങള്‍ക്ക് പേരുകേട്ട ആളാണ്. പന്ത് വിക്കറ്റ് കീപ്പ് ചെയ്യുമെന്ന സമയത്ത് സ്വന്തം ടീമിനും എതിര്‍ ടീമിനും ഒരു പോലെ എന്റര്‍ടൈന്റ്മെന്റ് സമ്മാനിക്കാറുണ്ട്. നിലവില്‍ ബംഗ്ലാദേശിന് എതിരായ നടന്നുകൊണ്ടിരിക്കുന്ന മത്സരത്തില്‍ പന്ത് ബാറ്റിംഗിനൊപ്പം തന്റെ രസകരമായ മികവ് ഫീല്‍ഡില്‍ കാണിച്ചു.
മൂന്നാം ദിനം കളിക്കിടെ ബംഗ്ലാദേശിനായി ഫീല്‍ഡ് സെറ്റ് ചെയ്താണ് പന്ത് ക്രിക്കറ്റ് പ്രേമികളെ ഞെട്ടിച്ചത്. ബാറ്റിംഗിനായി ഗാര്‍ഡ് എടുക്കുന്നതിനിടെ തന്റെ ലെഗ് സൈഡില്‍ ഒരു ഫീല്‍ഡറെ ഇടൂ എന്ന് പന്ത് ബംഗ്ലാദേശ് ബൗളറോട് പറയുകയായിരുന്നു. ലെഗ് സൈഡില്‍ ഒരാള്‍ കുറവാണെന്നും ഒരാളെ ഇവിടെ നിര്‍ത്തൂവെന്നും റിഷഭ് പന്ത് പറഞ്ഞു. പന്ത് പറഞ്ഞതുപോലെ ഒരു ഫീല്‍ഡറെ ബംഗ്ലാദേശ് ലെഗ് സൈഡില്‍ നിര്‍ത്തുകയും ചെയ്തു.
ഇന്ത്യ 280 റണ്‍സിന്റെ വന്‍ മാര്‍ജിനില്‍ വിജയിച്ചതിന് ശേഷം, പന്തിനോട് എതിരാളിയെ ഉപദേശിക്കുമ്പോള്‍ എന്താണ് കാരണമായതെന്ന് സാബ കരീം ചോദിച്ചു. ”എനിക്ക് പ്രധാനപ്പെട്ട ഒരു ചോദ്യം ചോദിക്കാനുണ്ട്. രണ്ടാം ഇന്നിംഗ്‌സില്‍ തസ്‌കിന്‍ അഹമ്മദ് ബൗള്‍ ചെയ്യാന്‍ വരുമ്പോള്‍ എന്തിനാണ് നിങ്ങള്‍ അവനുവേണ്ടി ഫീല്‍ഡിംഗ് ക്രമീകരിച്ചത്? ആരാണ് ബംഗ്ലാദേശിന്റെ ക്യാപ്റ്റന്‍, ഷാന്റോയോ അതോ പന്തോ? എന്നായിരുന്നു സാബ കരീമിന്റെ ചോദ്യം.
ഞാന്‍ അജയ് (ജഡേജ) ഭായിയുമായി കളിക്കളത്തിന് പുറത്ത് സംസാരിക്കുമ്പോള്‍, നിങ്ങള്‍ എവിടെ കളിച്ചാലും ക്രിക്കറ്റ് നന്നായി കളിക്കണമെന്ന് അദ്ദേഹം എന്നെ ഉപദേശിക്കാറുണ്ട്. അത് എതിരാളികളായാലും നിങ്ങളുടെ ടീമായാലും. അവിടെ മിഡ് വിക്കറ്റില്‍ ഒരു ഫീല്‍ഡറും ഇല്ലായിരുന്നു. രണ്ട് ഫീല്‍ഡര്‍മാര്‍ ഒരിടത്ത് നില്‍ക്കുന്നുണ്ടായിരുന്നു. അതിനാല്‍ ഫീല്‍ഡറെ അവിടെ നിര്‍ത്താന്‍ ഞാന്‍ അവനോട് (ഷാന്റോ) പറഞ്ഞു. പന്ത് മറുപടി പറഞ്ഞു.