ഇംഗ്ലണ്ടിനെതിരായ ടി20 പരമ്പരയിൽ ആതിഥേയരുടെ പ്ലെയിങ് ഇലവനിൽ ഋഷഭ് പന്തിന് ഇടം ലഭിച്ചേക്കില്ലെന്ന് മുൻ ഇന്ത്യൻ ബാറ്റിംഗ് പരിശീലകൻ സഞ്ജയ് ബംഗാർ. സഞ്ജു സാംസണെ മറികടന്ന് ഒരു സ്ഥാനം ടീമിൽ ലഭിക്കാൻ ഋഷഭ് പന്തിന് ബുദ്ധിമുട്ട് ആയിരിക്കുമെന്ന് സഞ്ജയ് ബംഗാർ പറഞ്ഞു.
ജനുവരി 22ന് കൊൽക്കത്തയിലെ ഈഡൻ ഗാർഡൻസിൽ നടക്കുന്ന ആദ്യ മത്സരത്തോടെ ഇന്ത്യ അഞ്ച് ടി20 മത്സരങ്ങളിൽ ഇംഗ്ലണ്ടിനെ നേരിടും. ശേഷം ഫെബ്രുവരി 6 മുതൽ മൂന്ന് മത്സരങ്ങളുള്ള ഏകദിന പരമ്പരയിൽ ഇരു ടീമുകളും ഏറ്റുമുട്ടും. സ്റ്റാർ സ്‌പോർട്‌സ് ഷോയായ ‘ഫോളോ ദ ബ്ലൂസ്’ ചർച്ചയ്ക്കിടെ, ഇംഗ്ലണ്ടിനെതിരായ ടി20 ഐകൾക്കുള്ള ഇന്ത്യയുടെ പ്ലേയിംഗ് ഇലവനിൽ ഋഷഭ് പന്തിൻ്റെ സ്ഥാനത്തെക്കുറിച്ച് സഞ്ജയ് ബംഗാറിനോട് ചോദിച്ചു.
“കഴിഞ്ഞ പരമ്പരയിലെ പ്രകടനത്തിന്റെ അടിസ്ഥാനത്തിൽ സഞ്ജുവിന് സ്ഥാനം അർഹിക്കുന്നു. ഒരു ടീമിൽ രണ്ട് വിക്കറ്റ് കീപ്പർമാർക്ക് അവസരമില്ല. സഞ്ജു തന്നെയാണ് ആ സ്ഥാനത്തിന് നിലവിലെ സാഹചര്യത്തിൽ സ്ഥാനത്തിന് അർഹൻ.” മുൻ താരം പറഞ്ഞു.
” പന്ത് നിലവിലെ സാഹചര്യത്തിൽ ടി 20 ടീമിൽ ആദ്യ മൂന്ന് സ്ഥാനങ്ങളിൽ ബാറ്റ് ചെയ്യാൻ സാധ്യതയില്ല. ലോകകപ്പ് നേടാൻ അവൻ ചെയ്ത സഹായം മറക്കുക അല്ല. പക്ഷെ ടി 20 യിൽ പ്രകടനത്തിന്റെ മുകളിൽ ഉള്ള പ്രകടനമാണ് സഞ്ജു നടത്തുന്നത്.” ബംഗാർ കൂട്ടിച്ചേർത്തു.
ഇലവനിൽ തിലക് വർമ്മയുടെയും മറ്റ് ഇടംകൈയ്യൻ ബാറ്റ്‌സ്മാന്മാരുടെയും സാന്നിധ്യം പന്തിന് ഇടം നേടുന്നത് കൂടുതൽ ബുദ്ധിമുട്ടാക്കുന്നുവെന്ന് മുൻ ഇന്ത്യൻ ഓൾറൗണ്ടർ പറഞ്ഞു. സഞ്ജു സാംസൺ തൻ്റെ അവസാന അഞ്ച് ടി20 ഇന്നിംഗ്‌സുകളിൽ ഓപ്പണറായി മൂന്ന് സെഞ്ചുറികൾ നേടിയിട്ടുണ്ട്. ഇന്ത്യയുടെ അവസാന രണ്ട് ടി20യിലും തിലക് വർമ്മയും സെഞ്ചുറികൾ നേടിയിരുന്നു.