ഐപിഎലിൽ ഇന്നലെ നടന്ന മത്സരത്തിൽ പഞ്ചാബ് കിങ്സിനെതിരെ ചെന്നൈ സൂപ്പർ കിങ്സിന് വീണ്ടും പരാജയം. 18 റൺസിനാണ് ചെന്നൈ പഞ്ചാബിനോട് പരാജയം ഏറ്റു വാങ്ങിയത്. 219 റൺസ് ലക്‌ഷ്യം വെച്ച് ഇറങ്ങിയ ചെന്നൈക്ക് മറുപടി ബാറ്റിംഗിൽ 201 റൺസ് എടുക്കാനെ സാധിച്ചുള്ളൂ.
പഞ്ചാബിനായി യുവ താരം പ്രിയാൻഷ് ആര്യ (103) സെഞ്ച്വറി നേടി. കൂടാതെ ശശാങ്ക് സിങ് (52) അർദ്ധ സെഞ്ച്വറി നേടി. മത്സരത്തിലെ ആദ്യ ഇന്നിങ്സിലെ 13 ആം ഓവറിൽ തന്നെ പ്രിയാൻഷ് ആര്യ സെഞ്ച്വറി നേടിയിരുന്നു. താരത്തിന്റെ തകർപ്പൻ സെഞ്ചുറിയിലാണ് ചെന്നൈയുടെ പദ്ധതികൾ തകിടം മറിഞ്ഞത്. സെഞ്ച്വറി നേട്ടത്തെ കുറിച്ച് പ്രിയാൻഷ് ആര്യ സംസാരിച്ചു.
പ്രിയാൻഷ് ആര്യ പറയുന്നത് ഇങ്ങനെ:
” കഴിഞ്ഞ മത്സരത്തിൽ ശ്രേയസ് അയ്യർ എന്റെ കഴിവിനെക്കുറിച്ച് സംസാരിച്ചു. എനിക്ക് ഇഷ്ടമുള്ള രീതിയിൽ കളിക്കാൻ ശ്രേയസ് നിർദ്ദേശിച്ചു. ആദ്യത്തെ പന്ത് ഇഷ്ടമേഖലയിൽ കിട്ടിയാൽ തീർച്ചയായും ഒരു സിക്സറിന് അടിക്കുമെന്ന് ഞാൻ ചിന്തിച്ചിരുന്നു. കഴിയുന്നത്ര മികവ് പുറത്തെടുക്കാനാണ് എനിക്ക് ആഗ്രഹം”
ഇന്ത്യൻ പ്രീമിയർ ലീഗിനേക്കാൾ വേഗത്തിൽ റൺസ് കണ്ടെത്താൻ കഴിയുന്നത് ഡൽഹി പ്രീമിയർ ലീഗിലാണെന്നും പ്രിയാൻഷ് പറയുന്നു:
” അവിടെ പന്തിന് വേരിയേഷനുകൾ ഇല്ല. ബാറ്റിലേക്ക് പന്ത് വരുന്നു. അതുകൊണ്ട് പവർപ്ലേയിൽ നന്നായി പന്തെറിയുകയും വിക്കറ്റ് നേടുവാനും ഏറെ ശ്രമിക്കേണ്ടതുണ്ട് പ്രിയാൻഷ് ആര്യ പറഞ്ഞു.
