സെല്‍ഫി വിഷയങ്ങളുമായി ബന്ധപ്പെട്ട വിവാദങ്ങളില്‍ ഉല്‍പ്പെട്ട് ദിവസങ്ങള്‍ക്ക് ശേഷം ഇന്‍സ്റ്റഗ്രാമില്‍ നിഗൂഢ സ്‌റ്റോറി പങ്കുവെച്ച് ഇന്ത്യന്‍ യുവതാരം പൃഥ്വി ഷാ. സെല്‍ഫിയെടുക്കാന്‍ വിസമ്മതിച്ചതിനെ തുടര്‍ന്ന് ഒരു കൂട്ടം ആളുകള്‍ പൃഥ്വിയെയും സുഹൃത്തിനെയും ആക്രമിച്ചത് വാര്‍ത്തയാവുകയും സംഭവം കേസാവുകയും ചെയ്തിരുന്നു.
‘ചില ആളുകള്‍ക്ക് നിങ്ങളെ ഉപയോഗിക്കാനാകുന്നിടത്തോളം നിങ്ങളെ സ്‌നേഹിക്കും. ആനുകൂല്യങ്ങള്‍ നിര്‍ത്തുന്നിടത്ത് അവരുടെ വിശ്വസ്തത അവസാനിക്കും’ ഷാ തന്റെ ഇന്‍സ്റ്റാഗ്രാം സ്റ്റോറിയില്‍ പോസ്റ്റ് ചെയ്തു.
ഫെബ്രുവരി 16 ന് ഷായുടെ കാറിന് നേരെ ആക്രമണം നടന്ന സംഭവം റിപ്പോര്‍ട്ട് ചെയ്യപ്പെട്ടതിനെ തുടര്‍ന്ന് പൊലീസ് കേസെടുത്തു. രണ്ടാമതും സെല്‍ഫിയെടുക്കാന്‍ ഷാ വിസമ്മതിച്ചതിനെ തുടര്‍ന്ന് താരത്തിന്റെ സുഹൃത്തിന്റെ കാറിന് നേരെ ആക്രമണം നടത്തിയെന്നാരോപിച്ച് 8 പേര്‍ക്കെതിരെ ഒഷിവാര പൊലീസ് കേസെടുത്തിരുന്നു.
Read more
സംഭവത്തില്‍ ഉള്‍പ്പെട്ട സ്ത്രീ സോഷ്യല്‍ മീഡിയ ഇന്‍ഫ്‌ളുവന്‍സറായ സ്വപ്ന ഗില്‍ ആണെന്ന് പിന്നീട് കണ്ടെത്തി. ഷായ്‌ക്കെതിരെ ആരോപണങ്ങളുമായി ഇവര്‍ പിന്നീട് രംഗത്ത് വരികയും ചെയ്തിരുന്നു.
