ലോകത്തിലെ ഏറ്റവും മികച്ച ക്രിക്കറ്റ് ബാറ്റ്സ്മാനായ വിരാട് കോഹ്ലി കാരണം മുട്ടൻ പണി കിട്ടിയിരിക്കുകയാണ്‌ ഇറ്റാലിയൻ വനിതാ ഫുട്ബോൾ താരമായ അഗാത ഇസബെല്ലയ്ക്ക്. ഇന്നലെയായിരുന്നു വിരാട് കോഹ്ലി തന്റെ 36 ആം ജന്മദിനം ആഘോഷിച്ചത്. ലോകം മുഴുവൻ താരത്തിന് ആശംസകളുമായി ഒരുപാട് കായിക താരങ്ങളും ആരാധകരും രംഗത്ത് എത്തിയിരുന്നു. എന്നാൽ ഇസബെല്ലയുടെ ആശംസ പോസ്റ്റിൽ ആരാധകർ ട്രോളുകയാണ്.
“ഹാപ്പി ബർത്ഡേയ് വിരാട് കോഹ്ലി ഫ്രം എ ഫാൻ ഇൻ ഇറ്റലി” എന്നാണ് കുറിപ്പിൽ കൊടുത്തത്. എന്നാൽ വിരാട് കോഹ്‌ലിയുടെ ചിത്രത്തിന് പകരം ഇസബെല്ലാ അവർ ഇന്ത്യൻ കുപ്പായത്തിൽ നിൽക്കുന്ന ചിത്രമാണ് എക്‌സിൽ പങ്ക് വെച്ചത്. ഇത് കണ്ടാണ് ആരാധകർ താരത്തെ ട്രോളുന്നത്.
ഇന്ത്യൻ ആരാധകർ തന്നെ കളിയാകുകയാണെന്ന് മനസിലാക്കിയ ഇസബെല്ലാ ഇതിനെതിരെ സംസാരിക്കുകയും ചെയ്തു. “ഞാൻ എപ്പോഴൊക്കെ വിരാട് കൊഹ്‌ലിയെ കുറിച്ച് പറഞ്ഞാലോ, ക്രിക്കറ്റിനെ കുറിച്ച് സംസാരിച്ചാലോ ഇന്ത്യൻ ആരാധകർ എന്റെ അക്കൗണ്ടിൽ വന്നു മുഴുവൻ നെഗറ്റീവ് കമന്റുകൾ അടിക്കും. എന്ത് കൊണ്ടാണെന്ന് എനിക്ക് മനസിലാകുന്നില്ല. നമസ്തേ” ഇതാണ് ഇസബെല്ലാ പറഞ്ഞത്.