ഇന്ത്യൻ ടി-20 ടീമിന് ഇപ്പോൾ സുവർണ്ണ കാലഘട്ടമാണ്. വെടിക്കെട്ട് ബാറ്റിംഗ് പ്രകടനം കാഴ്ച വെക്കാൻ കെല്പുള്ള ഒരുപാട് താരങ്ങളാണ് ഇപ്പോൾ ടീമിലേക്ക് വരുന്നത്. അതിൽ ഐപിഎൽ വഹിക്കുന്ന പങ്ക് ചെറുതല്ല. നിലവിലെ ഇന്ത്യൻ ടീമിൽ ഏറ്റവും കൂടുതൽ വെടിക്കെട്ട് ബാറ്റിംഗ് പ്രകടനം നടത്തുന്ന താരമാണ് സഞ്ജു സാംസൺ. ഐപിഎലിൽ രാജസ്ഥാൻ റോയൽസിലൂടെ വന്ന താരങ്ങളായ യശസ്‌വി ജയ്‌സ്വാൾ, റിയാൻ പരാഗ് എന്നിവർ. അവരെ മുൻപിലേക്ക് കൊണ്ട് വന്നത് സഞ്ജുവാണ്.
എന്നാൽ സഞ്ജുവിന് മുൻപ് തന്നെ രക്ഷിച്ചതും ഒരു ക്രിക്കറ്റ്റർ എന്ന നിലയിൽ തനിക്ക് പ്രചോദനവും തന്നത് ക്രിക്കറ്റ് ഇതിഹാസം വിരാട് കോഹ്ലിയാണ് എന്നാണ് റിയാൻ പരാഗ് പറയുന്നത്.
റിയാൻ പരാഗ് പറയുന്നത് ഇങ്ങനെ:
“എക്കാലത്തേയും മികച്ചവനാണ് കോഹ്ലി. ക്രിക്കറ്റിനോടുള്ള കാഴ്ചപ്പാട്, ആക്രമണോത്സകത, അതിനായി നല്‍കുന്ന കഷ്ടപ്പാട്, ഇതെല്ലാം കണ്ടാണ് ഇന്നത്തെ എന്നെ രൂപപ്പെടുത്തിയിരിക്കുന്നത്. അദ്ദേഹത്തിന്റെ കളി കാണുന്നതാണ് വലിയ പ്രചോദനം. താങ്കള്‍ പങ്കുവെച്ച് നല്‍കിയിട്ടുള്ള അനുഭവങ്ങള്‍ ഞാന്‍ എന്നെന്നും മുന്നോട്ട് കൊണ്ടുപോകും. ഇതിഹാസമായി തുടരുന്നതിന് നന്ദി. കളത്തിനകത്തും പുറത്തും അദ്ദേഹം ഹീറോയാണ്” റിയാൻ പരാഗ് പറഞ്ഞു.
നിലവിൽ ഇപ്പോൾ വിരാട് കോഹ്‌ലിക്ക് മോശമായ സമയമാണുള്ളത്. ന്യുസിലാൻഡിനെതിരെ നടന്ന മത്സരത്തിൽ വിരാട് കോഹ്ലി, രോഹിത്ത് ശർമ്മ എന്നിവർക്ക് തിളങ്ങാൻ സാധിച്ചിരുന്നില്ല. ഇതോടെ വിമർശനവുമായി ഒരുപാട് മുൻ താരങ്ങൾ രംഗത്ത് എത്തിയിരുന്നു. ഇരുവരുടെയും തിരിച്ച് വരവിന് വേണ്ടിയുള്ള കാത്തിരിപ്പിലാണ് ഇന്ത്യൻ ആരാധകർ.